4.12.09

人在山中天氣晴


邊會估到閒日郊遊都可搵到5個人去而且4個明明有正職1個有副業。事有湊巧2個返 shift 編假在同一天2個文職同樣要清假於是天從人願促成是次盛事。我想應該可以再多點隊友因為有些人妻或朋友其實有空出來玩不過我們就是這樣天生懶骨頭怕約人搵腳。

是日行程非常好走,水泥路緩坡上完全無難度。我對這條路也算熟悉畢竟某些路段今趟已是第三次走。從水務署和行山網頁看了行程介紹這條路徑只需時3個小時以內就行畢;然而從 Parker Road 啟步後我們幾個大唔透隊友在遊人寥寥無幾的山裡邊行邊盡情抖玩耍拉扯趴轉碌攤蠕彈前後要用5粒鐘才抵達大潭水塘的巴士站。若非冬天太陽早收爐之後又有活動想必山旅行程拖得更長。結果是,晚上執相邊執邊大笑阿媽望著相也忍不住拋來一句評語『你地真係玩到無野好玩。』

當然這句話絕對係衝著我而講。

哎呀,都是安全性行為啦。不必擔心喎。

隆重其事,出發前本小姐在鰂魚涌吃百吉包和熱薑蜜做早點,臨走前也買了一個又暖又滋味的Honey Wheat 百吉包配Honey Walnut 給遲到中卻未咬早餐在港鐵站匆忙中只好買2個麵包打算邊行邊乾啃的隊友〔我不愧係一個好人〕,也買了bytes〔3個迷你Bagels〕作團隊零食。可是隊友各自帶了蛋糕和麵包,最後仍是由我一人消化哂這3個百吉包。真係好味到震!

另一件會震的事,應該是「人在山中天氣晴」!前一天天色仍混濁,是日天色否極泰來,好到j清靚白淨到哩!泬寥兮天高而氣清,冬日太陽又暖和,真係一個絕對適宜行山enjoy野遊的好日子。當然,大吸氧的山間小睡也非常好!

沒有留言: