一些性事

在千兩中吃了一碟脂肪分明到睇見都笑的三文魚壽司。


在UCC吃了一客不太好味的咖哩漢堡扒飯。那漢堡扒味道很怪。。

在愉景新城POKKA吃了一客賣相比memu「齋」很多而且比下午茶餐某指定食物「奀好多」的意粉。。有點後悔。早知有時間就去荃新天地那邊的食肆吃意粉啦。。囧。

絕對有80%係眼闊肚窄，Charlie Brown的漢堡包餐我竟然吃了一半便想放棄。20%係我覺得個包整得唔好食！而且番茄、麵包、芝士、酸瓜和生菜的味道都不夠好。嗯，全部材料未到位而且大家唔夾咁樣囉。有營食肆唔代表唔好食和味淡，可惜連那一小碗菜絲沙律都係無味無口感。第一次去，真係好失望。

唯一似樣，是薯。

在LCX永恆的草莓吃的一客喇沙下午茶餐。。午後的窗外很美。

在柯士甸道某上海菜館吃的擔擔麵。。近期愛上擔擔麵，連酸辣湯麵都扔埋一邊。

可惜，這間小店子沒有我喜歡的小籠包和剪鍋貼。好失望。

到人家去火鍋。可能食材在冰箱中雪得太勁〔如圖，結霜了！〕，放落湯灼燙後入口，味道怪異。

在沙田市廣場TUTTOS by Habitu 吃的下午茶餐。炸蠔伴沙律。以為得兩三隻伴伴碟，怎會估到有麼一大碟。。會不會很熱氣呢？

又去吃棉棉冰當一餐了。今次點的是巧克力味。好好味。

有人看了相片後說似「S。。」，囧。

希望盡快忘記這句評語，否則我下回去食一定胡思亂想。

@ Teresa Festival - 藍莓芝士餅的芝士味太淡。淡到沒啥生氣〔就像《Parking》裡陳莫見到那一塊蛋糕〕。老實說，是我吃過的最乏味的一次。擇善而固執，我還是喜歡暴烈的芝士餅。

驗身前到八王子醫肚，莫明奇妙點了一客三文魚海膽刺身飯〔其實很多人在驗身當日抽血驗尿前都會循例戒口。。〕。由於我坐在食店的昭君位，忙碌的午市在我旁不停上演。再去的話，不要再坐昭君位。。哈哈哈。

那一刻劉華出現就好喇

終於有時間去髮廊執一執把頭髮。。怎料，遇上件不爽的理髮師。

理：你想點剪？
我：兩邊要長過耳，前陰要剪短，不想戳到眼。
理：你兩邊剪太短的話唔好睇喎。〔她看了我的大面分析著。這個我夠知啦！〕
我：咁你拿主意剪啦。
理：咁其實你想剪個怎樣的髮型？bob、剪碎。。
我：無所謂，只有兩邊要長過耳，前陰要剪短不及眼眉就得。
理：唔會無所謂，你點都有個髮型想剪，無理由求其無諗過想點剪個咩髮型就上來剪。。你應該諗過自己想剪咩髮型。
我：。。。〔整你個掣！我咪講了「兩邊要長過耳，前陰要剪短不及眼眉。」囉，講完又話唔好，倒頭來又問我想點剪。。仲講到係我無諗過度過就上來，錯哂咁。。髮廊價錢表上比剪髮貴的「剪髮造型」究竟係咪得個「名」實情係無呢件事咖！〕

之後，呢位阿姐一邊剪，佢一邊對我問長問短，因為剪髮前我整了頭皮護理，所以佢問我平時怎樣打理甩皮的頭顱，我咪話因為咁不常去理髮店，因為每回整完後那些洗髮用品都令頭皮問題嚴重，而且潮濕天氣都會令問題反覆，自己都覺礙眼又怎可能上理髮店。。之後佢又問我有沒有打算留長髮，我說留過了，不會喇。咁佢咪問我留長髮留到幾長，我咪答佢試過長到腰囉。。點之佢竟話我「咁又唔使留咁長！留咁長都唔好睇。。」〔都話十幾年前啦！〕

。。

然後，佢又問我有沒有電過頭髮，咁我咪答佢有囉，電到好鬈不太鬈的也試過。當佢問完我電到幾鬈之後，又突然話我「點解電到咁鬈！？」

我：我唔想咖，係意外。
理：你唔係要揀個合自己的鬈頭先電咖咩？
我：有咖。不過都話結果出來是個意外咯。
理：咁你無睇過相片揀清清楚楚先電咖咩？
我：有，但係睇款式跟實際電出來係兩回事丫嘛。

唉，我只不過剪過髮而已，點解變了一個犯人慘遭批判？而且，作為客人，我沒必把以往紀錄給她說得太詳細。奈何條粉女半解半知就「以言入罪」來把我的事變成大罪落鑊煎。我來剪髮咋，不是來被查家宅，點解講到件件事都係我錯哂！？沒有發作寸佢，皆因佢拎住把剪刀，皆因我不想無端跟人嘈交破壞了好心情，儘管我的好心情已被呢條粉女搞到連連受挫受狙擊。唉。

那一刻，如果劉華出現跟呢條友講一聲『今時今日咁既服務態度係唔得咖！』我一定即刻奉劉華為神明。可惜。。可惜。

匪夷所思，是她又好認真咁幫我諗解決頭皮多的方法，還當我係無知女人咁教我點樣用理髮用品。。〔有十多廿年頭皮兼睇過醫生塗過藥膏我又怎會不知理髮方法喎。〕雖然我一早就知，但仍禮貌地一邊聽佢好意講解一邊點頭唯唯諾諾。

講真，那間髮廊有我想試的某牌子頭皮treatment，而且環境很光很淨，我真係好喜歡咖，可惜，我真的不想再見到那位神經的女髮型師。

捕捉美麗雲朵是快樂的事

為了醫治「無處發作的心情不爽症」，有人會去打坐，有人遁入空門，有人問神，有人啪丸，有人看電影，有人唱歌。。而我，決定抓白雲。一朵一朵的，一片一片的，一塊的，一團的。。

對味蕾好是一件快樂的事

新年前到巧克力店補了一些貨。阿妹跟我一樣，喜歡吃濃味巧克力，所以，吃到好或不好的都可分享感受。
Jean-Paul Hevin和ROYCE的味道都很好。

看雜誌寫利園商場開了一間新的巧克力店，更有99%特濃巧克力。。99%是什麼的口感呢？有時間真的要行過去買一排試試先。

確實認為火鍋是百吃不厭

從相簿中找到了仍未放上來的相片。攝於1月2日。和一眾同事樂行後到煲皇醫肚。

記得有晚看了余名人在《名人飯堂》中介紹那火鍋，發覺原來火鍋正唔正齋睇都會覺得好新鮮好好味，我好想去試一試呀。。

彷彿是很雍正的事

新年前9位朋友一起團年飯。有Ni、Al、Qu、Ta、La、Da、Vid、Zing及小可愛SaPP。除了SaPP，Vid、Zing我們13年或更前已認識。而Ni、Al、Qu、Ta、La及Da，更是1987年便一起玩。畢竟中間因為某些原因及不理解而曾發生「失散」〔都係多謝發明FB的人〕。所以哩，這一夜，我們可以齊數飯局，大家嘻嘻哈哈了一晚，是一件很難得又不可思議的美事。

1987，彷彿是很雍正的事。

由於客家好棧講明限時埋單，而食西菜的食肆通常是長檯不方便吹水，所以，我決定去唔催人埋單的花滿樓食我們這一餐重要的飯局。其實，我都係第一次去花滿樓。哈哈哈。的確有些冒險成分，可是我真的愛新地方，即是去那些從未上過的餐館嘛。

在FB已見過SaPP的可愛，終於有機會由Qu帶出來跟大家見面。未到3歲的SaPP，是一顆開心果，精靈搞笑又好玩得，喜歡扮鬼扮馬，一時表演翠兒嘴，又octopus嘴，又學邪惡眼，又會捏面扮麵包超人。。和大家對答又有條理有邏輯，真係好可愛。

為了這第一次見面，桔姨姨我也準備了兩手禮物給她。是兩對車里子及粉紅兔子髮夾，還有一本厚厚的英語畫冊。小女孩拆禮物後連連驚喜攬著大笑，我問她，她也點頭直說很鍾意我才鬆一口氣。禮物送對了，收禮的人開懷，送禮的人心情真的會很滿足。近來買了兩次禮物給小孩子都買對了，有成就感啦我。不枉我走了多間店去揀禮物。哈哈哈。

這一夜大家暢飲樂食。。嗯，有機會再搞。

某夜家訪遇上某紅髮女子

阿女一身潮服是我幹的。友人也一樣很喜歡我買畀阿女的09新裝。因為此友人本身勁愛骷髏骨頭囉。如今阿女都咁型，咪好開心囉。

搶好感分之扮鐵達尼大作戰

為了扳低米高的吸引度，年獸蛋豁哂出去使出某年好像很蕩氣迴腸的電影《鐵達尼》經典姿態，誓要挽回以為高企的人氣！嘩！真係問你睇到窒哂未！一對消魂眼，一副欲語還休的表情〔其實係我擾緊佢清夢。〕，真係殺死人！

實不相瞞，這個睡姿，本人也常做著。之前左手動了手術，打成L形的石膏手不能好好側睡，側左邊就凌空伸出床，很危險；朝右邊睡，可膏手壓著身體既重到整個人唔舒服，而且又容易墜向前或墜向後，所以那時開始嘗試把手放在頭頂上的空間，那我怎樣睡也可以。漸漸變了一個習慣。

不過，同樣習慣這睡姿的人要注意，這是對身體的骨頭無益，影響肩胛骨歪咖，又會麻痺。這是我跌打師父講的。
講還講，有時睡得太濃，手自自然然就擱到枕頭上囉。。

150155159168169

題目其實是我這個假期見到者倫新出DVD的售價。

155：新年假期前同事跟我說者倫DVD的售價。
168：在屋企樓下影碟店的新春賀年價。
169：屋企附近商場影碟店的新春賀年價。
150：標明係香港版價錢。
159：只在香港發售的台版價。

由於同事早跟我說盒碟售155，所以見到「賣貴十幾元」便感覺人家食水深，所以終於走了多間格了成個農曆新年，在年初七最後一天假期裡畀我搵到一間店以超低價150元港版。不過，我都係要買159台版囉。基於要減少無謂支出，我都唔算特登乘車去逛影碟店，亦唔係出街出得好密。初七那天，都是用我媽的西鐵月票出街，連來回車費都慳埋。嘩哈哈哈。

拖了這麼多年才買到，現在齋買未睇。不過，看隨盒的冊子相片，發現了算是「姿整」的者倫一件有趣的事。

總言之，以合理的價錢買到心頭肉，真係人日快樂！

生日生日，講起生日，我今年買了一份睇中好耐〔以年計〕但一直唔捨得買的好禮物給自己。

是一個脊醫認可及推薦，有NASA科技的TEMPUR枕頭。新春賀禧價盛惠1000。這個枕頭，原價要1600咖。雖然我從來都唔係「慳精」，不過有些東西，不捨得花錢買就是不捨得。每樣東西，都SET了個上限。。所以，今次真係好捨得呀我。而且，早幾年曾和同事交流過買枕頭的經驗。同事某說他曾用過某名牌標榜的健康枕，在店試用時無問題仲好舒服咖，點知花幾百元買了回家睡多幾回就睡到骨痛，終於枕頭要扔埋一邊無再用喇。聽了對方的分享，我對「花幾百元或過千元買一個枕頭」這回事的確窒步。畢竟，標榜對頸椎肩膀好的健康枕，都是有特定的模子形狀，真的未必用得習慣。

事出有因。據早幾日的POST說了，我由24號放假開始長時間戀床戀到大年初四，睡得多咯自然發現到床品有什麼問題。最主要咪都係一個不合適的枕頭令我睡得肩膀痛！所以，儘管好像睡了很多，不過質素都唔係叫「好」囉。既然長此下去都會搞到歪骨，遂在逛街時行過見到便決定買一個枕頭給自己。其實，其實那天只不過係遊完萬佛寺回市中心商場打算醫醫肚食點什麼就回家咖喇，結果行過床品部就神奇地攤了上床大玩試枕頭。。哈哈哈。

千幾銀一個枕頭真係好舒服。。而且，這個枕頭是DUAL-SIDED設計，兩面都有不同效用，真係好合我這種多心的人用呀。

同文加影：年獸貓趁人換枕頭乘機變身攝石貓大模斯樣佔人枕頭位推都唔郁仲發惡吼人唔好搞佢。。
。。。真係。。。

在路上遇見迷暈黨

雖然屋企都有靚仔一枚〔牠在我心中係至靚仔！〕，不過在街中遇然遇上其他的靚仔，都忍不住為每一枚丰姿綽約的靚仔暈哂大浪，失哂魂。就好似早幾日，在沙田排頭某村屋遇見一位好有台型的米高在閒逛。嘩！膚色好，身材準，很英又很美。最緊要係，一副淡淡定有錢剩的態度！得呀靚仔！

收禮物

新年收到SKII新上妝電器一具。據說香港仍未有我賣；據說日本炒到好貴；據說要個妝噴得好係要依說明書做。。據說，收到禮物的人勁開心。

多謝哂！

年獸組圖4張恭賀新禧

年獸特徵：心口有撮大白毛！咆哮騷出大喉嚨！前腿短肥勁似靴！眼定專注好老定！

年獸祝大家生氣勃勃！