滋油精的作業拍檔

早前買部碎紙機碎紙，使用時發現另一難處，就是分類舊信件帳單，窗口的部份棄置，紙張有個人資料（要碎）和沒有個人資料的（不用碎）再分兩批。但因為是大量紙張，為了保護手手免被紙邊割損就變得姐手姐腳。有摷返從100円店買的一次用透明薄膠手套，但因為係膠就有汗緊黏住手指，更礙工作，所以……又放自己幾日假先，唔碎住。反正拖了十幾年。

後來，在五金店買對作業用的手套。結果工作較率果然快了好多。一個鐘多少少就拆了一遝聖經般厚的信，做埋分類，也碎了一桶（剛好摩打太熱自動停了）。

一袋不用碎，一袋碎好，又要搬返屋企樓下個回收桶掉。
屋企執信，帶去工作室做拆碎工作，搬回屋企樓下回收桶。其實我不太清楚工作室附近的回收桶位置和狀況，但屋企樓下那個就有鎖鎖住頂蓋唔畀人從桶內取走廢紙，所以我傾向拎回屋企樓下掉。可惜，第一次把紙碎倒到個大箱後翌日，發現屬於我的紙碎散了些在收集箱附近地面，應該係專人來拎廢紙但不是整個箱連裡邊的大膠袋更換（以為似廚餘回收桶咁），所以從中卸走時我倒在裡邊的碎紙屑就飛揚。哎呀！可能我見到時已稍為清掃過地面。汗。之後，就一整袋塞到回收箱裡算了。

還有好多件要碎，我呢種滋油精真係唔知會搞幾耐才完成這項大工作。

🧤📃