手帳。0407。Snowflake

遲了遲了，發現 Kodak e100 是我飛佛的菲林色彩。當年用菲林相機都不捨得買吧。

遺憾。

前一天看完的故事有講男主角用特別方法藏起雪花做成飾物。在寫筆記又整手帳並行，在罐罐找圖紙時湊巧發現這個，竟有雪花啦！所以不用 print 圖。呵呵呵。

至於把會溶的雪花恆定，其實有外國人有方法處理。還在做相關的飾物哩。每一件飾品都不一樣就是了。

❆

這天舊同事N找我問之前幫他驅「污糟東西」的師傅電話。後來才講不是他有事要再求助，而係代個舊同事問，講講下，原來係個舊同事屋企人有事，個舊同事代問，搭上搭咁。基於那個舊同事往績係問一大輪後結果都係唔郁，而且，記得那個人以前在公司對N好無禮貌，N的體質又吸負，加上件事那個舊同事都講得含糊吞吐，所以我都係希望N盡快打發走條友算。無情都係咁啦。畢竟，靈體，還清楚是祖先喎，沒有沒來由的滋擾糾纏後輩。有無諗一下曾應承了的事未做？諗爆都唔知衰乜犯乜欠乜有乜瓜葛，可以搵位龍婆請出來問清楚；篤信西方教的可以搵神父驅；道教佛教咪做場法事燒衣打齋做供養……

朋友以前講過，他們幫人驅鬼解降解蠱，都要先問個事主問得清清楚楚，免得自己都瀨埋。當然係要個事主坦白啦。當知道肇始其實出於事主，都不會接。接的 case，也先跟靈體拆拆，拆唔掂反檯就才用其他方法。

所以，別人的怪力，就唔好八卦多事。