黑髮晶配天鐵

我無搞錯呀！這條確實是一條可愛的黑髮晶 Black Rutilated Quartz 啦！只係白石英內的「髮」比較稀少之嘛，大概一粒桶珠 barrel 得一兩絲黑碧璽，哈哈哈。好記得落舖睇完心思思無買又去睇還在繼續心思思但又唔買循環了好幾個月好幾次之後，就帶了走。

珠係重串的，因為加了後來買的天鐵 Meterite。這粒天鐵並沒有鍍上防鏽保護膜，所以摸得到維德曼（魏德曼）交角的紋理 Widmanstätten pattern 。

用珠寶放大鏡放大一下。

天鐵係來自太空的隕石，能量強，咁多年都戴住都係用來擋污糟野（豈止這一粒，還有其他）。若配塔上其他礦石都能增強其他礦石能量，如虎添翼。不過，要夾過兩款物質才知雙方肯不肯搭一起。

關關於擋污糟野，黑碧璽都勁。坊間常推黑曜石，好耐好耐以前初初買水晶都有入過黑曜，但真係好初初，之後都「不啦」。曾有個朋友，去旅行戴了件能量爆強的黑曜石傍身，點之擋還擋，額外「吸」了隻飄入去！朋友還不知就裡還帶埋返香港，係之後出現不妥才知玩很大。聽到都不由疙瘩起來。

至於白晶，價格相宜能量又大，超好用。不信？巫師問事用的水晶球都係白晶喎。當然，我也曾有幸見過一張相片，相中是一件白晶，是一件吸了👹魔鬼入白晶！晶石內呈現額上有角的👹樣子的相片。

Oops ，扯遠了。

幾可愛，裡邊幾條幾條稀罕的黑碧。哈哈哈。