舊地圖

扚起心肝清房中舊物。這是 2005 和 2008 年的漁港郊區地圖。因為快上小學的侄子很喜歡，又可以認多些字和地方，佢父母放假時又會帶佢行山（登過獅子山頂），所以有天拎這要張地圖出來畀佢玩，咁就畀了他喇。記得還有大嶼山地圖，因為那時好想上鳳凰山或去分流西灣那邊，常攤開地圖研究腳程。不過地圖竟不是放在一處，所以還未找到，不知塞到哪裡去。

那是我也會跟行山隊行山的日子。有些路實不宜一個人走嘛！睇旅聯看每月每星期各行山隊資訊，路徑（攤開地圖睇返資料評估一下自己體力能否應付），集合地點及時間，到當日集合時間跟著隊就可以。當時跟得最多係勞青，一行就大半日。有些隊行半日，午後才開始，行到黃昏。

轉個眼，都廿年了。

滄海桑田。這片地變得太多……特別拍一拍張照永遠懷緬。

🗺