京都2024。買。IL BISONTE

換了個銀包。

之前在漁港走一趟銀行辦文件，在銀行外摷袋掏個銀包出來睇睇有無漏掉什麼，結果跌咗一些夾在紙幣隔的咭落地，狼狽執拾，幸好當時無路人，至少執完都可以望清有無漏。

同樣的事，在更早發生在銀行櫃員機前，目測無乜留下什麼，但有無跣入櫃員機底就真係睇唔到。

接連兩次……以上，就真係要換銀包。

因為準備去旅行，所以都係留待在日本搵心水。所謂心水，都係一定要有個鈕扣。拉鍊就不太想。

這個 IL BISONTE 品牌在幾年前已在 IG 見到兼 following 。銀包款都是固定的，這個一直都喜歡。總店在東京，估唔到在京都搵晚餐餐館時偶爾在商場內見到分店，於是就買了個銀包。

紅色利我，可是銀包好似唔好用紅色。種了想法，就轉其他色啦！結果都係買黑色。

這是今次旅行買得最貴的東西。哈哈。

👛