增值人緣

上年夏秋之間，上了一個 workshop ，係教「人緣增值法」。導師係朋友介紹。這些月來一直都未分享過因為我非常懶，係，我係懶到上了堂都無運用過堂上學到的全部方法去催旺，刺激，「發水」自己的人緣。想想都係買了些貼紙貼在桃花位咁咋。

為了別忘自己有上過堂，半年前開了個得 topic 的 draft，所以記著「有件咁事」。

如上，個堂都係講用五行生剋，生肖，風水去助運咁啦。導師是個 nice guy ，有問必答，生鬼風趣咁。差唔多十個人，大家上堂都上得幾開心咁。

既然係咁，點解唔照住佢講的方法去做齊催到人緣旺一旺？我真係答唔到點解。或者我信五行更信人和人之間落手落腳的手段。

一年快將過去。年結一下，嘿嘿，一回顧真係咩都出哂來。

嗱，事實係，人緣的事無得強求，但係有方法可以得到。

不要把自己抬得太高，不要亂發脾氣，對人多付出關心誠意，多珍惜身邊的人。緣是天定，份是人為，下下不對題想法相違就叉起腰青筋現哂成隻蟹咁，咁，儲落幾多朋友，識了多少朋友都會一一嚇走囉。

最諷刺係，觀察所得， nice guy 其實唔係 nice guy ，反而是個 ugly guy 。以上一段的大忌佢都犯哂，咁，個人緣陣 set 到幾行都唔會有朋友囉。真心類別無，酒肉類別的，都廢撚事睬你啦。

慎之。

❋ 桃花係人緣，common 的。真正男女間是紅鸞呀。別誤解啊。