兩個世界
拍的時候沒為意。到執相時才發現柱子剛好在中間。
25.6.18
北角海逸君綽BUFFET
呢日去到油街那邊的海逸食自助餐。因為坐得好舒服，食物都好味。
於是，我食了很多碟煙肉。真的很多碟。
反之，魚生每次每款只有三件，我竟然少食。
呢間有長腳蟹食。
布甸，窩夫…
Movenpick 的檸檬雪芭，真係既清新又消滯。
12點至3點。真係食到三點。哈哈哈。
這間有即開生蠔。每次三隻。因為起初太多人排隊等，所以後段我才去吃。
幸好每一球都細細的，於是吃多兩款。終於明白點解咁多人買呢隻雪糕了。真係好味。
哈哈，印象中呢次係第一次食。
沒停的甜品。。
繼續食呀食呀。
因為無飯到肚，所以感覺沒有食到撐住肚，頂到心口的膩感。
很好。
魔法使いの嫁
之前在網上見過漫畫，見到容色絕望的女主角一開波就在頸和手都有枷鎖還被拍賣到獸骨頭的手上，當時心感不舒服所以無睇到。早前在 VIU APP 見到有動畫，廿四集，於是無無聊聊 click 來睇。哈哈哈，愛上。
其實個故事有點似夏目，不過呢套個女主角童年更灰。智世老豆帶了弟弟離家後再沒回來，而佢媽媽一個獨力湊女加上本身的「陰陽眼」〔這個詞容易描述佢生活面對的困擾〕，終於一晚在後悔和絕望下在女角前自殺身亡。女主角懷著創傷，加上佢本身都睇到異世界之物，所以孤兒一樣被親戚當人球掟來掟去直到一天她15歲「把自己賣掉」。
因為身上的特質，在拍賣會上被男主角 Elias Ainsworth 買回家。既是學徒，也是準新娘。加上屋內還有西魯基…終令她有個地方可以說「我回來了」，因為有等待她的家人。
故事好多謎團，例如 Elias Ainsworth 的真身，智世父和弟的下落等等。
不過，好睇係，故事中的精靈，神明，獸 等等角色都有故事，真係好正。
係。其實個故事講「愛」。真係睇到好感動咖。
好好睇，推介。
Elias 曾變成這個模樣人物，故事尚未交待這是仿誰，希望有續篇。
23.6.18
Ecrepe
那天放學，行下行下去到西邊街那頭，見到呢間餐廳，快餓死的我於是入去吃。
係。呢間有可麗餅食。Lunch Set 都係加錢叫。我揀了個唔覺有餡料卻叫檸檬糖可麗餅 Butter Sugar Lemon Crepe。清清地，好好味。
又一餐啦。
22.6.18
《馬戲團之夜》27/18
18/06/2018
呢本書一直放在公司檯面那疊起如山的書堆裡。那天剛好睇完手中的書，於是開始了這本。相比上一回的作品，這個故事無疑係長篇故事。哈哈，跟馬戲團無關。我也被誤導了。嘩哈哈哈。
這個故事依然好溫柔好好睇，好多愛。我在想，世上係咪真係有咁多溫柔得像棉花的人？但願我都能以同樣的溫度柔感去愛去鼓勵我愛的人。
閃閃發光。
故事對人的關係，生活際遇，人的性格，生死等等都有正面的想法，兩個男主角都好可愛，女主角真係好幸福啊。
是一個既會令我感動到眼濕濕，也會忍唔住笑出聲的故事。
推介。
書看畢，星期二放到網上賣，轉瞬被買走星期三都到埋新主人的手上了。他說未看過芭娜娜的作品，希望他同樣喜歡這個故事啦。
NeoCell Super Collagen+C
自從食骨膠原丸之後，整體都覺得好了，即係皮膚和關節狀態咁都好過之前。所以啪完上一瓶之後，轉去 iHerb 買，平丫嘛。買了兩款，先試呢隻。
因為這品牌標明係美國 # 1 Collagen Brand 。所以買骨膠原先揀佢。
下回介紹另一款。
Link:
www.neocell.com
Reviva Labs
在 iHerb 度買了些面膜粉。呢隻 Reviva Labs 的 Problem Skin Mask 一睇個名就知可以買來一試。嘩哈哈哈，我出哂名麻煩友丫嘛。
好好，有兔仔認證呀。即係無拎D無辜的小動物作測試傷害科研。
Restoring 是必需，肉體同精神都要。
扭開蓋，直接敷上臉就可。不得不提，成份應該有龍腦，因為一開蓋就好鬼攻鼻。之前用過龍腦成份的止汗粉，所以好難忘記呢隻味。
嗱，如果你行去文咸西街，有間店的門口長期沁出濃烈的龍腦味。我在同一條街上了十幾星期課，真係好想知店子係咪入口商。哈哈。好勁味咖。
Anyway，龍腦有殺毛孔內真菌和蟲〔Mites etc〕的效用，也可除死皮，消炎…所以呢個充滿龍腦味的面膜真係 for problem skin。哈哈。
Link : www.revivalabs.com
21.6.18
《中國傳奇小說》．26/18
12/06/2018
《中國傳奇小說》是林語堂揀選歷代特別的民間故事，把十九個〔其實有廿個，目錄少了「詩社」一篇〕較代表性的再輯印成書。虬髯客傳、鶯鶯傳，南柯太守傳，小謝、嫉妒、碾玉觀音、書癡、離魂記、人變魚，人變虎、狄氏、貞節坊、無名信、白猿傳、中山狼傳、龍宮一夜宿、定婚店、促織、葉限和詩社…
咦？唔通「詩社」係彩蛋之類的 hidden story？哈哈哈。
故事當然不是照搬字過紙啦！林語堂在每篇故事介紹都有介紹故事出處，他改動過的地方，加上用貼近近代的言詞，所以唔會睇唔明。
狄氏、詩社和嫉妒係當中我較為喜歡的故事。
狄氏故事發生於南宋，李綱一位後輩嫁了一位正仕途得意的官，郎才女貌，書香門第，官宦世家本是世人稱羨的一雙，可是雙方政見不同令到雙方常冷言對待。當中有些政治理念，絕對值得一看。
詩社講成精的動物…或叫生靈吧。
嫉妒好笑，好多鬼。
鶯鶯傳即係西廂記，係元稹寫佢年少時的輕狂事，是一段呃女的經歷。故此林語堂重撰這故事時，男主角名字直接用返元稹而非張君瑞。
其餘的故事，有喜有悲，男角多是窩囊廢。莫非真係千古不變？哈哈。
推介。
茶咖里
朋友約去西營盤晚飯，說呢間正。於是我就來了。呵呵。雖然係茶記，不過真係食得好滿足。好味。
街太熱喇，不想周圍行令到身水身汗，所以我早了半個小時到了。點了個炸薯角，配黑松露醬汁。正。
呢個菠羅包好正啦！應該是店的自家出品吧！因為包上面層皮無甩到，整個好整齊好靚咁上檯。如果係其他地方整好送來餐室，個包應該在搬運過程中甩哂皮囉。
好鬆軟好好味。
賣相都好惹味的滑蛋蝦仁飯。
carabonara ！哈哈。火腿肉份量出奇地多。哈哈。
店裡的職員都好好呀，呢餐絕對滿意。
19.6.18
IGORA ROYAL 染髮
有日得閒，搞下D白髮至出街啦。拉開櫃就隨手拎染髮劑用，係，之前買落幾款啦。勁好笑，完全唔記得買左咩色。因為都年幾兩年前買的了。
搵隻杯拌勻佢，攪拌了好耐都係咁淺色？難道變壞了？於是上孤高度搜尋下我買的號數原色係咩色先。嘩哈哈哈，原來我當年買左灰色呀頂。怪唔得攪極杯染髮劑都好似白灰水咁啦。
神經刀喇呢次。
嘩哈哈哈。
18.6.18
17.6.18
Sealy Mattress
一直都係用乳膠床褥，不過耗損得好快，尤其雞翼位，腰同股的幾個位置。瞓多兩個鐘，真係起床都有腰酸骨痛。聽過不少朋友都讚 Sealy 正，朋友也叫我好好對待自己，睡眠質素好重要咖。於是孤九寒的我拖了四五年，終扚起心肝去百貨公司試床褥啦。結果以五五折特價六千銀入了張床褥。哈哈哈。
最勁係，明明跟兩個長輩同住，可以我可以偷運了整張床褥回去使用都仲未知。
話說，那天係星期六，長輩慣性一早就閃哂。出車的師傅九點半把床褥送到。因為我在店試過拎得起張床褥，所以我不用師傅幫我放在床架上喇。九點幾清走床上的枕被物件，移走舊床褥，新床褥到後急急拆袋丟到垃圾房度，而四邊包角的紙皮就收落袋之後帶去回收箱。上床褥加墊加蓆成個過程都好順好快，所以。。哈哈，勁啦。
因為床褥下邊還有張3吋厚床褥〔細佬嫌床褥太硬唔舒服唔要又無掉到結果塞左落我度〕，而我又真係頂唔住像硬板的床褥，於是這個成了床墊。
一張床墊加一張床褥，令到我坐在床邊完全腳唔到地，好高床軟枕呀而家。
2018年，真係要給自己一個 quality of life 。
尤其係想起有次故意跟常顧住個人吃喝玩樂的阿娘呻工作的辛苦，佢淡漠一句『返工係咁咖啦！』，咦，真係我睇唔透呀？
尊重自己，先要對自己好囉。
訂閱：
文章 (Atom)
