總覺今年蟬鳴很大

四月到五月，買了三把手提風扇。

這把四月底入，但訂貨等了十四日後，店方留言通知 supplier 那邊無我訂的顏色，於是改要米色。結果係，幾日後取貨，得來一個殘次品，要插住電線有電到才啟動到出到風，一拔線即停，而且叉唔到電。於是急忙又走去店換貨。

不過，之前沒有見過實物，沒有體驗過風力，雖然標榜渦輪風扇，但風力在圈罅出，開1時風超弱，弱過對住熱食吹口氣（這個形容有點……），哎，總之真的比想像中確係差少少。

家中老人每天飲完茶回家，就例必嗌天氣好熱。老人唔吹得風扇，不能直吹，咁循例都問佢要不要把手提風扇傍身，佢話好，咁我咪又去買。今次學乖，都係去實體店試實物感受好才買。

買了把有製冷的，可以風速不需大還能冰一下頸。

後來從弟婦度得知，老人之前已有手提風扇……我話從未見過。弟婦話d阿伯要型，唔會拎住把風扇招搖。但，當時我問要不要時佢無講過已有風扇，只係話好……（耍我？）咁之前那把去了哪？

而且，後來見把風扇日日放在檯面，問佢佢就話「今日唔熱，所以唔拎出街」，又話「畀班茶客見到會拜託佢幫手買，所以唔帶落去飲茶」……乜飲茶時要拎風扇出來舞？無氣。

而我自己，添一把，穩陣的，今次買日本老牌 Rhythm 。不是新款，百幾元有交易。呵呵呵。

雖然無線風扇發明了多年，可是，我今年才買第一把可帶出街用的小電扇。

唔知點解，總覺得今年蟬鳴很大。

🪭