手帳。0520。避之，則吉

這一晚在舊公司附近的一堆巴士站排隊等車，就在要上的巴士剛到，人龍專心提步移動之時，就見到隻「女油王」迎面行來，視線當然即刻移返去人龍度啦！唔理佢發唔發現到，總之不要注視，避免交投。

最後安全上車。

隻女油王，自產鞋油，返工總落足力擦鞋，巴結。佢表明邊個上司對佢有利就出力擦，公司內見到都會大大聲嗌「老細」（語調好似電影中那些姐姐），慰問關心。工作明明係分工，佢都會找準機會嗌「老細」，butter her bosses up。佢對上一班經理，會坐其他 sites，到這邊之時，佢就由返工黐到放工。常嚷某傾得埋的女上司係佢二奶，某同事係女友…重度中二症狀。

由於係 open office ，所有事都變得開揚，這種移動油罐的全自動諂媚模式，真的「佢唔尷尬，尷尬就是別人」。

社會趨崩壞，就多得這些心術不正，假惺惺，投機取巧之徒。

避之，則吉。