手帳。0506。被挑釁。

這早去了觀音廟供花，之後就到對面的齋舖吃一餐。店子正播著觀成法師兩文三語解心經，可是因為鄰桌的阿婆大聲講電話，噪音蓋了電視音量，就聽不到了。這些片好似在 YouTube 有，之後搵搵來聽吧。

因為聽到觀成法師講「三密相應」。每晚有唸經，但一邊唸一邊左望右望，二密也未逮，三密相應還是夢想。

在網上看人分享農作物貼上的 PLU 碼（Price Look Up Code），之後就找到一堆資料。

諗起一個跟 PLU code 無關又有點繫的往事。

話說，一次去超巿買礦泉水，經過凍櫃無端被一個拎住一 pack 葡萄的阿婆截住，問佢手上這包葡萄有核定無核。我話我不知道，佢話標籤上有印住，還指住另一款話那款印住無核……對於沒有印明有核無核但其實有無核都係謎，我當然話唔清楚，叫佢問返超市職員，講錯佢買錯到發現食錯就肯定被詛咒！而且，唔知食葡萄的人有無吞嚥困難，更加不可亂答（當時思緒真係縱橫四海）。我不要被詛咒！然後，佢見我猶豫不決，竟然「嗔！咁都唔識……」完我就當我不存在，即刻用佢手上包葡萄作武器，截住一個剛路過的男生問。

被嗔了，我只不過入超市買幾樽水。冤呀～

所以之後消化這無妄，就跟手就找多少少資料增益自己補返呢方便的缺失。補完，但我其實很少吃生果，偶然一次蕉，也偶爾吃榴槤。怕果糖高，都少買生果吃。

話時話，無核的蔬果，分明已經係用科學方法去介入葡萄基因。網上有講可以用激素去抑制果籽的大小和多少，但激素會殘留植物內嗎？人吃了之後呢？

這天研一下花卉算了，調整心情。

🌹