我疲憊不堪，決定剷去你

終於，在 facebook 寫了『今天除去一些意見畸怪的人。因為那些話〔觀點〕實在令我疲憊不堪。同樣，如果不同意我的立場，歡迎從你的友欄裡 unfriend 我。Bye-bye！』

上星期，曾因為某人一句「我支持國民教育，因為我對老師有信心。」已忍不住提醒已有仔女的某人。

『「老師」都係一份職業，上頭的指示，你立場不同可以點？』

一個老師因為良知而唔教，大把人肯頂上呀！

唉。因為沒法理解怎麼咁大個人仍然咁天真。

我想，不少朋友都有同感吧！因為反對國民教育一事，發現有些人在這些年間已感染了 Stockholm syndrome 。他們其實跟你一樣年紀，但卻認同國民教育需要實行，認為跟阿爺對立的人係不理智被唆擺，那些針對或拖垮政府每項「對香港經濟有利」的政策係愚蠢和自私，長此下去對香港無好處。

唉。利字當頭，任何原則都可交換。有人覺得受左阿爺咁多，配合好應該。頂！我無要求阿爺畀，亦無乞求阿爺畀。阿爺畀左，都不等於他可在此地為所欲為，架空一國兩制！而且，阿爺搞你，卻因為你食佢著佢就盲目配合，咩道理！回歸後，阿爺凌遲此城係事實，但是突然邏輯，是非不分配合兼縱容阿爺的壞習慣在此城生根，就真係吹脹！


我曾回應一個：你原來真的不明白。

對方竟用同一句回應我。

我看到這一句，真的很累。促成了割蓆事件。

也許我真的不明白隨波逐流的好處，但我絕不想同流合污。