4.6.07

何妨吟笑且隨行

嘩,今早睇報紙知道龍脊那邊有行山人士中暑。。先知原來昨日氣溫最高有成34℃,真係熱爆。雖然不是身處最熱的赤臘角,只是跟赤臘角相距不遠的東涌。去了東涌行山呀!這次行山路線,是跟行山團行東梅古道。超過六十人的隊伍,浩浩蕩蕩由東涌出發,途經白芒村、牛牯塱、望道坳、銀礦洞、銀礦灣瀑布公園、白銀鄉、梅窩舊墟、銀礦灣、銀河,目的地梅窩碼頭。早上九時多起步,衣衫斑斕的幾十人在曲折的山道上宛延,壯觀又有趣哩!於預定時間,下午四時確抵達梅窩碼頭,其間設的大休小休方便團友,儘管烈日下曝曬下行山,還算是個舒服團。所以以我漏氣又唔夠氣的往績還安安全全沒有中暑沒有腳震心臟劇跳行到目的地真的是大幸。唔算搵苦來辛,因為能「成功」遊畢全程真的很滿足很愉快!不過大半天在烈日當空下上山落山,不免大汗淋漓,搞到衫濕汗臭。。〔汗〕回到家要由頭洗到落腳徹頭徹尾除臭。哈哈哈。
幸好我狂塗太陽油,否則一定甩皮。太陽的熱力照在皮膚上真的感覺刺痛咖。。
經過上一回綠茶「尿褲」事件,學乖了。這一次帶專門戶外用的膠水樽。。昨日行程中飲了大約1700ml的清水。厲害!原本只帶了1000ml多點,行了1/3路程已喝剩500ml。幸好領隊們在途中煲水,後又能分到約200ml的熱茶水,否則500ml以我要邊行山邊狂飲水真的捱不到去梅窩,分分鐘未渴死先中暑。哈哈哈。謝謝。
哈哈哈。。一邊行山一邊抹汗再狂塗太陽油又飲水又拍照,真係忙到爆。
跟專業的行山隊行山倒是第一遭。不過氣氛真的很好,大家都有講有笑有照應。〔正如行山人士在山路上遇見其他行山人士係會好自然咁笑笑口點點頭打招呼一樣〕而且,他們豐富的行山知識,講講山間老村的舊事,講講山,講講水,確令行程好充實,錦上添花。
圖:在牛牯塱遇見這樣的歷史遺跡。隊長說這條村當年很紅。。

記:在牛牯塱曾遇上大驟雨。仍無損行山心情。

沒有留言: