10.6.05

慣性

趁著樂文開業大減價和榆林搬竇大平賣兩件城中大事,逛了幾趟。搜羅書籍是戒死也戒不掉的興趣,雖然知道一時三刻根本看不到這麼多書,更何況要咀嚼理解消化。想增進多點不同才識,遂找多點不同材料充實充實。這幾年我真的太懶散了。腦袋空洞得寫點什麼也力不從心,力有不繼。興之所至,想買又在樂文榆林買不到的書,唯有去其他書店搜尋材料。。材來財去,就是這麼易。

幾個星期下來,買了《五分鐘後的世界》、《希望之國》、《查拉圖斯特拉如是說》、《西方正典上、下》、《圍城》、《生命中不能承受的輕 – 20周年紀念版》、《寫在人生邊上 / 人.獸.鬼》、《在梵谷的星空下沉思》、《王丹訪談:與兩岸知識份子的對話》。。

即使六折特賣,這下也真買得夠多了。。看著書架上的唐君毅全集,真係好想入貨。。不可以不可以,曾暗下許諾看畢一本才買一本新的。。經已被「六折」這兩個閃閃閃著的大字攪到芳心大亂。。哈哈哈!

至於「看畢一本才買一本新的」這回事,也是跟自己開的一個難題和玩笑。誘因是想戒掉「同一時間看幾本不同類型的書」這個幾乎死性不改的壞習慣。除非,那本書吸力大到我可完全擱下其他的書,否則這個慣性仍不離不棄。枕邊,就有十多廿本看了一半呀,1/3,1/5 呀。。。咁咁的書。。點算好。。幸好書種不同,否則內容便crossover。。當1911羊男遇上安地查東的尼采說69的事。。

哈哈哈。。

10 則留言:

高妹小蓓 說...

你說的是旺角樂文抑或銅鑼灣樂文?真的六折嗎?很吸引呀!!
我只知銅鑼灣的開益也是六折,但買不到我想要的書...
知不知折扣到幾時??
要入貨呢~~ ^^

桔 說...

我到的是旺角那間。。樂文好似折埋今日。。而其他就不清楚了。真係要收收手喇我。
我尚欠一本《地下室手記》未買到。。妳有什麼好介紹?^^

高妹小蓓 說...

我而家睇緊"我姐姐是咖啡師傅"講starbucks的來頭.

有網友介紹哲學書"蘇菲的世界",

另外仲有一本
節錄自高登chatroom:
"臨訓推介多一本好書,
24個billy 同一個作者寫既,
叫 "獻給阿爾吉儂的花束"
講天生弱智既主角,因為一次機會接受左腦外科手術,
得到比其他人更高既智慧.
成本書用日記既型式寫出黎,
字裡行間可以睇到主角對依個世界既睇法,個人既價值觀慢慢咁改變,
個結局仲唔係太開心... (自己睇啦)
原來一d我地口中既"低b仔","死傻仔"
比我地依d普通人,快樂好多

桔 說...

《蘇菲的世界》有lu。。
《24個billy》 - 我朋友話好睇。而佢睇緊下集《比利戰爭》。。之後才借哂比我睇。
至於《獻給阿爾吉儂的花束》,我還沒有。。是否講佢最後都回復弱智那本?
咁,《我姐姐是咖啡師傅》好不好看?

高妹小蓓 說...

我剛睇完starbucks
開頭好好睇
講佢地點創業
但後半部就有點悶
至少對我來說是悶
講點樣擴大業務
好商業性質...無咁好睇

我而家開始睇阿爾吉儂啦
無錯,就係果本主角最後又變番低智商果本

桔 說...

果然真係那本。。多謝介紹。。
呀。。妳介紹那本歷史書,我托了人在北京買。。謝謝。。〔因為我家中伙電腦的原故,星期五晚至星期日晚係無得上網。。看不到妳在網誌的留言啊。。星期一早上看到,我遲了lu。。〕

桔 說...

係「無」電腦用才對。。嘻嘻

Alex 說...

我也有同一个问题,见一本买一本。。唉

Kelvin Tam 說...

樂文o係邊, 有冇地址, 我想去逛逛增長一下知識

olive 說...

西洋菜街52號。。田園書店和榆林書店中間條樓梯上3樓。賣龍鬚糖附近。。樓下好似有間sasa化妝品店。〔我直行直過,無留意係卓悅定sasa〕好似仲有間鞋店。
旺角城市中心上面都有幾間書店,都有折頭呀。。