自發現 Viu 有 SLAM DUNK 整整101集睇之後，一直在煲，煲了一半。哈哈，真係好開心。這廿年無買碟又無 BT，今次確係正正式式睇，且重係原裝日文版，所以看出新的感受同熱血。哎呀，真咖，睇三井跪在地上喊哂對住安西教練話好想再打籃球，真係跟住喊咖。
這套故事係朋友介紹我睇，還是漫畫，未有動畫哩。好記得漫畫書在荃灣南豐的漫畫店買。店子早好多年已沒有。但在店子書架搵到新書的快樂，還是記憶猶新。
話說家中著左年幾的 havaianas 被我兩隻腳趾夾夾夾 夾斷了帶，得返櫃內一對好重好厚的拖鞋〔行地盤都得！〕，著慣輕身鞋，著厚重拖鞋搞到好累。草草在街邊的鞋店買了對大陸做的輕身拖鞋，點知，果然係大陸做，著了幾日連腳都臭埋，係酸臭那種，結果爽快咁丟落垃圾桶。對腳，我還要用洗頭水去徹底地洗走臭味，真係暈得一陣陣。還是買返對 havaianas 吧。不過，這個轉季日子，買人字拖真係幾困難，很多店都收起大部份。見朋友話上網買平過香港實店，於是上去格下價。英國亞馬遜唔送，德國亞馬遜有，不過連運費埋單一對要3百幾。真係黐線。早幾日人還是落去實店看看。哈哈，做緊減價，買三對更有折上折，於是，要六百幾元的拖鞋而家三百幾就可帶走。
店員問我係咪去旅行著。哈哈，我話屋企著啦。而家好難買拖鞋，NIKE ADIDAS 平均要過2舊水，而鱷魚那隻牌子的拖鞋都要呢個價。咁，不如買返 havaianas ，仲靚好多。
在網上買的 Qliplet 到手，多功能扣，正。其中一個 function 係可以做 handbag hanger，方便我掛起個手袋。
哈哈，終於買到個中性樣的。
30/09/2016。
其實，有些故事就好似罐頭咁，有保存期限。過了期，再看，不是味道。呢本對我來講就有呢個問題。所以，呢本書明明好薄，一直在半放棄狀態，睇了很久。結果，還是非常失望的一本經典。
〔含內容〕
故事講一個年輕女生應徵做家庭教師，她遇上一個很錢又迷人的男主人公。不，故事由她決定這工作之後男主人公沒有再出現過。獨個飄洋過海去到一所大宅為男主人公親戚留下的一對小朋友做家庭教師。大宅既鬧鬼，而生人又神神化化鬼鬼祟祟的。這個大綱源自《德古拉》，所以成了日後鬼故常見的背景模式，可是這故事係無頭無尾，開首係一班人在圍爐講鬼古，這是圍爐中人其中說的一個故事。他說這來自一位女士的手稿〔女教師〕。文句裡，回顧情況的文句太濫，女教師第一身常有「如果當日我知道點點點，就會點點點點」，「現在回想，我應該點點點點」。扭來扭去都係講女主角的15 20，真係好煩。
到結尾，鬼魂同他們生人有無衝突？唔知。總之無啦啦死了一個細路，就沒有下文。
反眼。
屋企老人家平日用支杖出入，那手杖係我以前買來行山用。姨丈見了喜歡，老人家逞威話幫佢買，於是，任務又落到我身上。買杖，尤其係老人家行出行入做輔助，最好都係有避震，手無咁傷。走了幾間都沒有合意，不是大陸做就你大陸牌子。最後，買了這支日本製的手杖。雖然要HK$470，但呢個牌子本身都有出傳統老人用手杖，質素本來就有保證。
HK$470…老人家嘩完有塞返錢畀我，我話唔需要啦，唔通四百七畀唔起咩。
繼續…
上次片白銀條係朋友代購，今次哩，自己親身上去店買，順便開埋戶口，甭下下搵朋友上去時要搭單幫我買。
說起來真係抹汗。話說登記時候寫緊屋企地址突然鬼拍後尾枕咁醒一醒，嘩，即劃走住址改為以公司地址為通訊地址。哈哈，呢尐戶口，唔好畀屋企老人家知才妥當，一陣老人家見信封面印住貴金屬公司，又有信畀我喎，必定會諗多左，以為我收埋收埋好多。
買了這兩塊RCM 10oz 白銀之後，朋友剛好搵我，我自動傳相告之。哈哈，佢都問幾錢，嗯，呢日上去係 HK$1,610 一塊啦。
其實，昨日，星期一又再低少少。平幾元。
好像以拍照這個方法把書一頁頁放上來大家易睇尐。而且，標籤加了塘西花月痕，方便大家追書看。當然，沒興趣的可以不理。
不過嘛，這是香港開埠以來重要的一部份歷史，可以的話，要看囉！
〔如果侵了版權，請告之，會悉數刪去。謝謝。〕
呢個九月好忍得手，買左七本書。且佔六本都在中環上海印書館買的。
《尺牘句解》應該係經典。
My blog is worth $3,387.24.
How much is your blog worth?
