手繪六字大明咒咒輪

在面書見到密宗掛畫，還是手繪的！靚到嘩嘩嘩。問了可掛在房〔當然，有行房之事就不好〕，遂訂了其中一幅手繪六字大明咒咒輪回來。本來我唔係訂呢幅啦，店主收貨後即時通知我西藏發錯貨要重新再訂及需要延期之事。因為寄來的幾幅都好靚，店主心思思都唔想退貨，於是我問店主補貨/訂貨未，咁，結果我揀了這一幅。上上星期已裝裱好，不過這陣子日日都倒水咁落雨，還是等好天取吧！等呀等終於約了店主在上星期六交收。哈哈。真係好靚。

尼泊爾畫師繪製，送到大昭寺開光，再寄來香港。連裝裱，HK$980。好抵。

這是手繪六字大明咒咒輪，中心係十相自在。十相自在在西藏〔我未去過尼泊爾〕隨處可見咖。將咒語寫成輪形，有法輪常轉，吉祥圓滿的意思。

至於點解掛在房，事緣老人家語氣表明唔太喜歡滿天神佛，連點除障香，鼠尾草等等我都要趁得我一個在廳才可燒。嘩，掛幅佛畫在廳日日望住，一定會多多說話。所以都係掛在房啦。

有興趣可以去面書 Vajra 或 Sui Sui Cat 度看。除了畫，還有其他靚靚飾品哩。

我的飯堂食記。

每星期準會去飯堂一次。。今次食馬介休鮮魷炒通菜。

紅番茄

這店的 carbonara 是這樣子。

加多份德國肉腸碎上。

to FireFighters

Rest in Peace。

返工坐九仔每天都必經過這位置，那陣子，格外心痛。。

失去了兩位勇敢的消防員，願他們安息。

【天黑莫回頭．卷五】．#48

16/07/2016。零時睇埋卷五。真係好黐線呀我。

因為唔打算書展，所以卷六本大結局唔知幾時才在書店架上見到。保持留意書店專頁啦唯有。

好緊張呀。

札幌拉麵。

餓到走不動。。於是入去札幌食牛油拉麵。。

很久沒來。。怎麼師傅不是說日語的？

COCO鴨

食個雜菜白咖哩薄餅餐先。

好full。

1+2豬扒餐廳

路過時正值大雨，天在倒水。。所以入了這間店咬個下午茶避雨。炸魚薯條哩。

阿四

樂道間阿四係我飛佛。。呢日，去咬髀髀。

【天黑莫回頭．卷四】．#47

13/07/2016。故事緊湊，所以我都睇得好快。又一本了。

作者剛出埋卷六結局。要睇得再快些。

話咁快，看了47本書喇。。

渙散。。

在車上拍橋景竟拍了這個。。公路 feel 。。

WOODS

賣相已令人好有食慾啦。好味。

抬頭望天。。

唔知這個角度，算不算 Jacob's Ladder？

牛棚

名雖叫牛棚，不過我不吃牛，所以吃魚餃麵。店子有蘿蔔可叫，也點了一客。飽哂。

【天黑莫回頭．卷三】．#46

09/07/2016。

真係話咁快，卷三都煲完。真伙好癡線呀我。

封面有貓，因為故事中真係有隻貓囉。

樟

@ 海防道。

【日月當空．卷十八】．#45

08/07/2016。

盛唐三部曲第一部全十八本終於煲完。係時候 take a break ，從大周國曌的世界跳出來。之後，因為略知歷史，李顯成功登基，郡主及韋后均對皇位虎視眈眈，搞完大爛餐才到李隆基坐正。加上突厥墨啜及小可汗的突厥一直沒完沒了咁糾纏下去。。嗯嗯。都係 take a break 先。哈哈。

雖然第一部末阿席遙仍未出來再挑戰龍鷹，不過還是待一下吧。

這第一部，睇到最後，法明竟然最吸引我的人物。。

一磅的福音。

早前訂的 2016 Great Britain The Last 'Round Pound' 1 Pound Silver Proof Coin 銀幣到手了。銀幣上的獅子，紅龍，獨角獸同紅鹿紋理細緻，非常精彩！

哈哈。。每枚銀幣都有獨立編號。。這兩枚都好前。

@ Lava Java

喜歡不狹逼的環境，所以周末工作過後，去了這裡食晚飯。

這晚，我吃了 linguine carbonara with crab roe 及 salmon roll in honey sauce 。三文魚咁樣食係第一次。味道幾特別。

Good。

甜品館

哈哈。。天氣咁熱，咬碗凍紅豆，爽哂。

飯堂食記

炒蜆怪。。

惹味。

【天黑莫回頭．2】．#44

05/07/2016。這本書很厚，所以不帶出街喇，作為晚上睡前的宵夜，也不錯。

已出到卷五了。睇書變成同時間競賽，真係要快。

【日月當空．卷十七】．#43

03/07/2016。努力。

陽光很好。

在巴士上都可把風景拍得這樣清，陽光真的很重要。

陽光幾時再現身？

亞龍巴基斯坦咖哩

去油麻地那頭搵好味食食食，見腸胃幾好，於是到吳松街吃咖哩。

咖哩雞少飯加一份甜薄餅，咖哩竟然唔夠想像中辣，舌無辣感，人無出汗亦無流鼻水的反應。。

三點幾四點才吃早餐，清哂碟，好滿足。

我變。。

忍了一段鴛鴦色頭髮的日子〔新生的黑皈漂後的金〕，上月趁頭皮無咁過敏，終於可以去髮廊搞搞。師傅叮嚀我每天要紅色跟身，但我又唔想整個紅頭〔麥嬸嬸咩！〕，加上唔想再補漂新出的頭髮，所以說不如染較深的色。。結果，我整了一個紫頭。

慶幸，所見的同事朋友都盛讚這色好靚。。哈哈，本人都覺得好正。

可是嘛，好東西總是不長久。。而染了頭後又沒有用固色鎖色的洗頭水，還日日如常做頭皮護理捽捽捽。。兩星期不到。。頭髮已打回原狀，近髮根的較黑，底層有甩剩的紫色，其餘的，金色棕色。。

八百五元如夢幻泡影。。真係去得快。。

至好笑係，尐人見我頭髮又唔同了色，問我係咪又染髮。。哈哈哈。

當然，一個月內個頭髮出現四隻色。。真係從未試過。

新 color 決定在家自己動手染。走去髮型用品店講了頭髮狀況再由店長介紹合適牌子〔HK$80〕。趁假期一清早在家笠垃圾袋上身厚敷及加長染髮時間，哈哈，唔知新的顏色維持到幾耐。

不過唔染過髮都唔知自己 carry 唔 carry 到那些顏色。現在幾好丫。得閒改變下。

礦物展當然睇 Gem

真係如夢幻。。買唔到未必係泡影。。哈哈。

成張檯一大座，真係有人買咖。

這一塊大青金。。檔主話要3 Mill 喎。真係。。

話說我同朋友在裡邊蕩下睇下研究下都差不多結束時間，有些店員已忙著 pack 石。。有一檔口突然傳出一聲巨響。。回頭望，原來有個女職員不小心甩手把一座石晶簇跌落地上，一分為二〔不知還有多少碎在地上〕。雖然有地毯，可是那一呎多高的白晶簇一邊已然中間斷開了。我忍不住說「肉赤死」。。當然，這個明明不可犯的疏忽卻成真，真係好大鑊。檔裡的負責人看來因為在公眾注視下沒有即刻發作，而那個撿起碎晶的女員工，臉是青白慌張的。當然，整個檔口的員工都變得神情凝重。。

講起呢單事件。。我想起早前垃圾電視台有套不死人的劇〔無計，屋企老人家有睇，我避不到。〕，講到不死人約了賣家見面睇隻杯。即使我不是什麼收藏家或專業人士，都知道睇古董或貴重東西真係唔可以咁樣約在公園見面無檯無墊且就咁拎上手把玩研究。因為一不小心甩手就真係唔知邊個負責，闔家富貴咖喇。。

講返呢個展。。完了。要等下年。。

【日月當空．卷十六】．#42

01/07/2016。努力努力。

又一本了。尚有兩本。Go go go。

化石展當然睇 fossil

礦物展同場係有化石展，我都拍了幾樣精彩的。。

一入場就見到這頭暴龍化石。。我忍不住稱它「賴有為的恐龍」。哈哈哈。

真係可以一啖咬爆我個頭。

下邊是翼龍遺骸。。竟如此優美。。

這條叫索倫霍芬鯊魚。是1億5千萬年前的生物！

這個至精彩！翼龍捕食後遇上大魚襲擊，一野插背，結果遇上不可知的意外，3條命〔翼龍腹內有一尾魚！〕以這狀態即時死亡凝固億年成化石。真係冤。。

魚和蕨類的化石。。

其實還有其他化石睇，不過無一一拍低。

去這個展，好開心呀。