Manifestation Quartz
我無選擇困難症啦！這是我一口氣買哂三粒吊墜之壓軸。嘩哈哈，亦係一枚聖母水晶，而且還有銀髮交錯，堅靚！基本和實際上各有特色，所以才要哂三粒石之嘛。
蛋面令到粒石好 cutie，好似戴住粒晶瑩剔透的冰。
在日光下，在燈光下，呢枚「晶品」，一絲絲髮在閃爍，晶石的每個菱面也散發出折射的光芒，呢一粒，真係閃到爆。
唔好誤會，其實這粒好平，價錢相宜囉。
突然買左咁多吊咀，每朝都好忙去揀戴邊條出街好。哈哈哈。
8.6.17
蛋面令到粒石好 cutie，好似戴住粒晶瑩剔透的冰。
在日光下，在燈光下，呢枚「晶品」，一絲絲髮在閃爍，晶石的每個菱面也散發出折射的光芒，呢一粒，真係閃到爆。
唔好誤會，其實這粒好平，價錢相宜囉。
突然買左咁多吊咀，每朝都好忙去揀戴邊條出街好。哈哈哈。
飲老火燉湯
咳不停，為了飲盅老火燉湯，人還是去了天樂里強記那邊啦。平丫嘛。
齋湯唔啦，肚餓，要吃飯啊。呢個，係陳皮鴨腿湯飯。好味。
湯飯加燉湯…信我，我真係痴Q線啦。哈哈哈。
呢碗，係陳腎蜜棗白菜。嗚嗚，我的飛佛橄欖湯是日無供應啊。
呢碟，係叉鵝飯，鵝竟然畀隻髀肉，不過唔見了皮。算，都好味。
呢個茶包普洱意外地我覺得好飲。
牟州黑蒜螺頭湯。螺頭真係甜，這個湯都好好味。
大滿足。
7.6.17
Manifestation Quartz
這是好東西的其中一枚。係聖母水晶〔我錯過了的那粒都是聖母水晶…晶中晶啊〕。這一枚水晶內的水晶有彩虹光，旁邊還有紅幽靈，如像一個迷你盆景。
非常得意。
唔好誤會，這粒石，一點都不貴啊。
靈火
上個月尾衝緊考試期，有晚去了老銅的靈火溫書。哈哈，可能係母親節後遺症，D人無錢，連 cafe 都無幾個客。於是，我一條友佔著一張桌攤開哂D筆記同埋石頭，飲了一杯哥倫比亞及一杯薑蜜，加一件士多啤梨芝士餅，逗留了三個鐘多。
好靜。
6.6.17
白晶．Rock Quartz
雖然面對考試又零錢用突的困境，不過 take break 時都有去 IG 度睇睇有咩好石頭。那天想起某網店的石頭，心思思了好幾天，以為沒有秒售應該「同好者」不多，打算日日去望下再等出糧。可是，思了幾天，還是覺得唔好等喇。就在不想錯過時就發現目標已售，真係飲恨。連阿花都笑我二三百就買啦仲諗乜。哈哈。後來見到這個新貨圖片，真係唔好再左諗右諗喇，便即刻 WHATSAPP 老闆話要。錢過戶，因為之後的六日一二都不會去觀塘，所以叫老闆星期一二才寄出，我放完假後到SF站取。
哈哈，這是當日我『要呀要呀』的石頭。是枚 Pendant 。
中間有一片雲母〔MICA〕及有一條條好明顯的黑髮〔Tourmaline / 即係碧璽〕，有彩虹，有銀光有銅光。雲母佔一半位，令整粒吊墜有太極圖的感覺。
我覺得好特別。
滿意。石頭本來穿了繩，問老闆可唔可以由繩扣換做銀扣。呵呵，方便我隨時除出用來做靈擺嘛。
哈哈…買了多次，知道老闆可能收埋D好東西未放上IG，於是問佢，佢話有呀，尚有兩件好東西未擺上網，於是畀相畀片我睇。結果嘛，我買哂囉。
好東西明天後天在這裡分享啦。當然，喜歡石頭的人才覺是好東西。
期待啊。
MLC
呢日下午要去QE覆診，晚上又要上堂，所以見完醫生索性碌落尖東搵個好地方坐下溫下書。於是，又去了科學館附近的MLC。
這店出了特別餐牌，有芫茜咖啡，意粉，甜品等等…之前見有女生食，而我，蒸魚的芫茜還好，這個，未接受到啦。
所以，都係食返普通的菜式好了。
5.6.17
《屍骨的餘音》．14/17
03/06/2017。隔了整整一個月才看畢一本書，半年快過，還看不到廿本書，真係要急起直追。當然，可以刨某種類的書「跑數」，不過，人的時間有限，真的不宜看太多沒意義的消閒書籍。
這本是早幾日購入，買之前完全唔知呢本書講什麼，只記得是香港人寫的書，所以買一本支持。作者修的是法醫人類學，在工作上接觸不同類型的屍骸骨頭。這本書有些內容意外連結之前上的心理課。算是意外收穫。
當然，書中還巧合地講及雪山上的屍骸。說巧合，是那個HIGH過頭說了「多餘的話」而引起坊間的批評和辯論的女登山者啦。
推介。
⋇ 話說我那天在連醫師度一邊針灸一邊睇呢本書，他也好奇我在看什麼。講起書裡提及屍體腐化會改變附近泥土的酸鹼度，令植物枯萎…然後，他慨嘆城市人好多知識都唔識。
想起心理學課，導師問大家知唔知香港的巴士號碼路線是怎樣編，嘿嘿，無人答到。
我們不去記，對身邊的事也不上心。於是，沒人想學的工藝，失傳。沒人想知的故事及當中的智慧，也同樣失去。
河床瑪瑙．RiverBed Agate
其實佢個名有點長，叫 Riverbed Rough Red Fire Agate。當然，名字在網在找的。
這枚石出現在店時我還不知是河床瑪瑙，可能店子內太多新奇古怪的石，所以把這東東拎上手把玩時又無意識去照下燈，後來經老闆介紹得知係河床瑪瑙又搵燈照過就心思思。有幾枚都好正，可是身無多點銀根，當日就無買。係再下一個星期上到店它們還在，不過身上唔夠錢買哂，咁就高高興興揀了這個帶佢走。是我睇中的第一枚。哈哈。
呢餅石，唔使三百。表面的痕跡，摸上手像是用了N年的皮包。不知它躺在水底多少年呢？
用燈照，就見到像細胞的模樣。係咪？
這扁平的寶物，此刻在我的枕頭底助眠也治療著我啦。哈哈。
4.6.17
Jadeite．翡翠
在一間叫「一諾翠」的店見到這個長壽果吊墜很美，價錢相宜，買了。上網睇返，原來店子曾入了好幾款。哈哈，這個料都好靚啊。唔係都唔會入手啦。
哈哈，本來係去店度幫朋友搵平安扣，結果自己都忍唔到出手。
幾多錢，折實六百幾啦。
好水潤又飽滿哩。在自然光之下，堅靚。
魚雷貓
當日我在長沙灣遇到佢，拍照放上FB時，我用了：
👱 ：you are so fat
😼 ：you are so rude 🔥🔥🔥🔥🔥
街坊見慣啦，沒有停下來攪佢。店外，得我如此誇張反應咋。
因為佢滿有心事咁，我都無打擾佢啦。拍完照就彈開。
有人話佢似魚雷喎。哈哈哈。
3.6.17
店貓
這間閣樓店的店長雖然一直維持這緊盯姿勢〔利申：嗱，佢咁樣唔關我事囉〕，大抵係我對花紋剛好是眼罩位的喵星人情有獨鍾，所以佢個樣真係好靚。
後來有人走下樓梯推玻璃步出店佢都無乘機竄出，果然係乖店長啊。
2.6.17
Coffee?
參加了 workshop 搞的會，同日早上屋企有訪客又要早早避席，而且也需要溫書，所以又來了這裡。
幸運地，有個角落位。
吃了個菠菜意，也嚐了兩杯啡，一杯要 fruity 一杯要 long black ，豆和沖泡方法由店長發板，我唯一要求係不要酸味，嗯嗯，Fruity 用了新豆，唔熟咖啡的我不賣弄喇。總之兩杯都好合心水，味道也很好，好滿意啦。
因為我幾乎每次去 workshop 都先去這裡喝啡，workshop 的愛啡人在我推介後也走來試，也同樣愛上這小店啦。
這篇東西見面的日子，我已考完試交埋功課。五月，真係好漫長啊。
1.6.17
試餅會。
呢日有人留了位唔得閒去，所以 free 了個位咁我就攝入。這次的題目係原來有位兄台想開 cafe ，烘了一些曲奇上來給大家試食，希望大家畀忠實意見。
基於此乃私人事，這裡就不贅當日的結果和評論喇。總之我們又吹了幾個鐘水，試了好多包日本咖啡，也飲了菊花水，也飲了玫瑰黑茶，也點了幾隻香咁啦。
17年5月．買書5本
五月係超懶月。成個月都無讀畢一本書，真係懶到出哂汁。〔自摑中〕
BTW，書還是照買。嘿嘿。
江戶川亂步的《帕諾拉馬島綺譚》及李衍蒨的《屍骨的餘音》是考完試，端午日又順利交埋課尾 assignment ，於是去書店發洩的收穫。
月初在樂文掃了這三本：
《狄更斯講英國史》
呢期想繼續睇歷史書，普魯士，奧匈，奧斯曼都係想看的系列。時間真係唔多夠。
《大奧日本》。
《死前七天》。講死囚受刑前的最後日子。呢本睇了1/3因為要考試而停了。
六月，暫時無課，要努力衝返個閱讀數量。如果咁都睇唔到5本書真係對唔住自己。
努力。
訂閱：
文章 (Atom)
