膳心總店

和S相約去膳心飯聚，咖啡 corner 沒有了，喝不到美味的手沖咖啡。於是，點了新供應的凍玫瑰烏龍消暑。

好美好琥珀色！

未食早餐，加上這店的廚藝真係高水準，所以吃吃吃是必須。

黑松露炒飯。粒粒依然，沒有粘成一舊舊，正正。

鹹蛋黃雞翼，好邪惡，但真係堅好食！上次無嗌到，今次食返！

藍帶師兄主理的檸檬撻！夏天太熱，酸酸的好鬼醒胃！

藍莓芝士撻…雪得硬了點，味道淡了。

美美的劇院蛋糕。我和S上次各自來過店都一樣吃不到蛋糕，所以今日見到，就放題一樣盡情食蛋糕啦！連店員都笑我們落單一次又一次。第一次正餐，第二次檸檬撻，第三次 Opera 和 Cheese Cake ，第四次係各一杯凍檸茶。

來到，梗係買些零食走，S買馬仔，我就買抹茶蛋捲。勁好味！

唔知點解，呢日好靜，在無被催交檯的情況下坐了四個幾鐘，好癲呀。

喂，大家要多來支持膳心啊。