12.4.19

香料貓

師父表示要買些甘草粉,雖然我有找朋友留,不過近日我又無過海,買唔到添。

趁人在油麻地,去返百年老號度買啦。

清明那天摸了一次門釘,呢日來到,閘也拉下,幸好老闆見我望下望下問我係咪有東西要買,於是我順利買得三包甘草粉。

然後,門外有貓,我看來是阻塞通道牠入不回舖。於是,稍稍移開後,牠就跳回舖內。

牠可是努力工作值得尊敬的好店長啊。


當然,我之前拍過牠啦!那次牠伏在櫃面上睨著我嘛。呵呵呵。

沒有留言: