19年3月．買書8本
一出糧就身痕想去買書。尤其係書店買書有折。
在3月3日天地圖書減價最後一天，撲了兩本：
《密宗大成就者奇傳 附 欽則益西多吉密傳》想買好耐，既然見到就買啦。
順手拎埋呢本去櫃檯付款。《猫頭鷹在黃昏飛翔》。
稍早一天，就去了白楊街的佛哲書舍買了兩本：
《解構密宗全貌》 。原來喇榮五明佛學院有出書。既然師父傳承於寧瑪派，我都要好好好好的找書看更多了解〔佛學院是寧瑪派法王如意寶晉美彭措興辦〕。
唔通次次R 頭都捉住師父問咩。
解密三部由之三，之前兩本未買。回到屋企先揭目錄來睇…不得了，好多內容目錄上印明唔可以睇，未皈依唔睇得，有些更要修到某種程度至可以睇。問日日〔朋友〕，他說如果明知故犯睇了，是盜法，會下地獄。嘩哈哈哈哈！我抹住汗笑，話好彩無睇，否則未皈依就下地獄先要勞煩師父救。嘩哈哈哈哈。
書，之後拎了上道場放了入書櫃。當然有請示過師父先啦。我話裡面好多我都唔睇得，日日當時在場也有答腔，於是揭個目錄畀師父過目。他望完個目錄邊笑住邊話我們知其實睇得，不過叫我們甭睇啦，由佢親自教云云。
好啦，等佢教。Very Good ~
鬆一大口氣。
呢本《蓮師傳》不得不買。無理由每天唸過蓮師心咒都唔知蓮師事跡。不過，呢日我去書店本來去打下書釘咁，既然見到放在當眼處就買啦。
後來碌返 whatsapp 訊息 click 返條 link，原來朋友日日在同一天曾介紹過呢本書。云云關於蓮花生大士的書，又會揀中同一本。哈哈哈。
月中在博客來訂了四本。
《雲空行．二》。超正的故事。
《夏目友人帳．最終研究》
《符紙婆婆與左鄰右舍們》。系列第三本。
《小說．妖怪連絡簿．緣結空蟬．一》。見到就好想買喇。之前出的小說都好好睇。
八本。三月洗手。〔寫於三月廿六日〕
沒有留言:
發佈留言