3M 雙線牙線棒

一年一度的洗牙，照埋X-RAY，醫生發現臼齒旁近牙肉度有小片陰影，於是一星期後又要去多次診所補牙。呀！！！

好在，左右兩邊都照哂片都見唔到牙肉內有智慧齒隱藏。正如醫生之前講，我牙細又無智慧齒，D牙咪鬆到好多罅囉。箍牙補罅都幫唔到。亦因為咁，我係極度需要在每餐之後用牙線幫助清理牙縫的渣滓。

在未買電動水牙線機前，要買牙線棒，事關我的櫻桃小嘴用普通牙線拉臼齒補牙位，盡量張大口為了攝條牙線入罅搞到次次牙關都酸哂。

估不到，3M 出了這個，即買。

長遠來計，都係買水牙線在家用，呢個，留在公司或出街時才用啦。始終用完即棄，感覺在加深地球的負擔。

呢個好用。雙線果然唔同D。呵呵。