《時光邊緣的男人》17/18

31/03/2018。

買呢本書，當然係因為：

1/ BC 睇過。

2/ BC 買埋電影版權。

3/ BC 會拍呢套戲。

表面上成件事都好吸引…真係好吸引咁。

於是，從博客來訂了這個雙面書衣版。

至於個故事…

〔圖片下文字含故事內容…〕

其實我睇唔到呢個故事有幾正…反面仲覺得好廢下。常引經據典〔我知《蒙田隨筆》係好書啦〕，歷代名人亂入〔海明威、莎士比亞、Francis Fitzgerald 咁〕，套返四百多年的歷史事件，都唔代表呢個係一個好故事啊。頂。

是個人口味問題嗎？覺得男主角的人生真係幾糟下。佢蠢？係，蠢到出汁。正所謂「人老精鬼老靈」，活了四百幾年都係一個處處被人擺弄牽制唔知方向唔尋求真相的蠢材，究竟作為一個因身體不會老而被迫常顛沛流離的人，佢智商真係有限定係自暴自棄暴殄天物？

那個女主角性格也夠爛。完全了解唔到佢有「幾大的魅力」可以成功引到這隻驚青的驚情四百年不老人愛上。

或者，外國人所謂的愛，就是如此輕率荒謬。

另一個問題係，作者迴避角色對宗教的態度取向。男主角父親死於法國新教的胡格諾戰爭，相依為命的母親後來卻被教會視為女巫而殺害，男主角偷生了四百幾年，他有沒有信仰？他對信仰的睇法如何？你對自身的遭遇曾否視為神的迫害 / 遺棄？對於身邊人一一老去死亡，他有較深度的想法嗎？沒有提及。

至於記憶…記載了四百多年日常事件的腦袋，安能可仔細記述四百年的事嗎？尤其係男主角堅蠢喎。故事中的場景唔係下下跳返去四百年前，三百年前，二百年前咁，而係，男主角去記述那些年那些事。

即係咁… The Ebbinghaus Forgetting Curve 在佢身上係唔 work？

❆

失望的。