3.2.18

先生!

坦白說,幾想入場睇廣瀨鈴生田斗真套 《先生!、、、好きになってもいいですか?》 。不過已屆婆婆年紀,又無伴,加上唔想同一班二八年華的女生一同在戲院內睇純愛電影,生田又電力無窮,班女一定睇到嘩嘩叫啦。睇介紹都預到啦。

即係咁,漫畫,反而有睇。嘿嘿。

男主角伊藤貢作的設定真係好鬼有趣。26歲,高中班主任,在學生眼中的好老師,亦好愛護學生。熱愛歷史〔常刨歷史書〕。之不過,在學校內,在學生前都煙不離手,又賭馬。

女主角島田響哩…其真我唔係好明佢愛老師什麼。雖然我都曾有過17歲。

或許,17歲的我,遇不到一個像真生斗真表面咁索的男老師吧。

嘩哈哈哈哈。

故事嘛,老師對學生同樣動了真情,兩者沒有異心。只是礙於身份,生活現狀,想法顧慮不同,二人要低調地一起。咁囉。


其實,一點都唔浪漫。男主角的性格太優柔寡斷…

唔知有無人數過,女主角在20冊漫畫中總共為呢段「愛」喊過多少次?

沒有留言: