27.7.17

賣書.結緣

因為石頭開始多,於是扚起心肝清一下已看的書。於是在網上放售。懶的我放了十多廿本上網,都有人接洽接手。更不止一位收到書後跟我聯絡,說書像新的一樣,在二手書交易場裡,既意外也很高興。書是我命根啦。若非要學一下斷捨離,都不會把書送走。

BTW,意外的是,因為書況太乾淨,所以聊著聊著竟然識到新朋友仔。至好笑係有共同認識的人,也有原石愛好者,琥珀愛好者,真係好好笑。

或者有些事情,只係得失一念。放了書,卻結緣,多了朋友,這是心理學老師講的「交換」吧。

沒有入倉但又看過的書尚有百多本,努力。









10 則留言:

Jacky 說...

請問你在那裏放售?

匿名 說...

你好。呢堆放過上面書的「香港二手書籍交易區(正)」。後來發覺放sparktake 方便我搜尋處理跟進,所以現在有書都擺在sparktake度。

Jacky 說...

謝謝~

匿名 說...

你應該有不少書,都想放?

Jacky 說...

最近執左一大堆出黎,諗緊點散

匿名 說...

開啦。之前在fb 放呢張相,十幾本書一時間好多人問。有啲話要又唔聯絡我,而且日日都有人放書我又要打撈返自己個post跟進,加上唔係統一價錢所以好頭痕。sparktake 放書聯絡更新都方便,輕鬆好多。

Jacky 說...

交收係私下約面交?

匿名 說...

我就寫明包郵,包順豐站自取,或順豐站到付。 都試過面交,不過好煩,時間同地點又要就,而且大熱天都唔想揹咁多書。
公司樓下有順豐站,過一條街又有郵局,所以我方便自己先。
我志在清睇完的書騰位放石頭,有人接書都樂得寄出。

Jacky 說...

之前試過面交,都覺得約比較煩,而家有細路更困身。順豐站交收都唔錯,謝謝參考

匿名 說...

不用客氣,我因為不是坐地鐵代步,所以啲人話要地鐡站交收真係考起我。哈哈。