秋葵

上星期日午在塱原的有記農場，見到一筲箕的秋葵在桌上待售。秋葵是當日農場負責人採摘來賣，所以最新鮮，色澤亦非常翠綠，真係靚到震呀。於是買啦！之後去了元朗買埋日式芝麻醬，回家大快牠頤。

明明秋葵好有益，亦可以防糖尿，可是因為表面的毛，及內裡的黏黏潺潺汁液，不少人抗拒食用。所以嘛，這一箕秋葵，阿桔一個分了兩餐獨食。即使阿桔叫有輕微糖尿的老母食，佢都耍手擰頭，一條也不吃。

因為太新鮮，同以往買到的口感完全不一樣，沒有「鞋」口，真係好好味！

整秋葵，真係快靚正。阿桔用了少少鹽水捽下秋葵表面，之後切頭尾，開爐水滾隔水蒸兩分鐘，就成。再加芝麻醬就可以食用。非常之便利。

下次去塱原，不知有沒有。