好像是小火警。。

Last 一堂因為無啦啦掛八號要延期。中心打來說改翌日晚上。可以。於是星期五晚去旺角上堂啦。買哂燸米卷，粉果同飲品匆匆忙忙去到，大廈門口漆黑一片，幾個保安跟兩盞燈。原來大廈早上有小火警，整幢樓停哂電。經半日搶修只有一部升降機可用。因為阿桔見有人上樓，於是都入埋去上樓上睇下乜料先。去到中心，有幾個職員正在沒冷氣沒什麼燈的接待處忙著。沒有電，是日的堂要全部取消了。還說因為電腦都沒法開，所以聯絡不到大家不用來上課。不好意思的說。

登記好，也記下了補課時間，便離開了大廈。

其實阿桔有想。中心有港九新界有幾個中心，一個 training centre 有事，沒理由不能從其他 centre 入 server 搵記錄囉。除非個 server 在 MK 啦。那麼，當日所有課程都有影響囉？

哈哈哈。阿桔下一個面對的問題係，手中仍有濕糧。旺角街頭，搵個地方坐低食都無，點算？

結果嘛，身水身汗又拎住尐兩包食物，行返去買的甜品館，老尷地跟負責人說都係入店吃囉。入到去，叫多個西米涼粉好睇尐。嘿嘿嘿。

18日。上埋最後一堂。因為 GIMP 反應不如預期，導師說再開班的機會不大。咁又係，成班得五兜友。真係小班教學。

不過，學以致用嘛，畀成千銀學執相，日後絕對會玩多尐相啦！