9.3.14

繼續試

雖然阿桔無睇韓劇的嗜好,不過對於韓國妝物就不太抗拒。

早前跟花花講在網上看到 eSpoir 這品牌在韓國都好出名。而當中的 Nude Cushion 氣墊粉底是上年當地用家評分最高的。哎呀,睇到心思思,好想試。原以為香港沒有得賣,也想過托人去韓國順個便幫忙買一個咖。後來又打消了念頭,因為不急著用嘛。怎知早前行過一間韓妝零售店竟見有這牌子的各式妝物發售,真係。在唇膏櫃睇唇膏,因為沒有辦可看,店員好落力地開盒畀阿桔睇色。可是開了幾盒都無阿桔心水的橙色。真的不好意思。後來問有無同牌子的粉底,她『有』了一聲就帶了阿桔去粉底櫃那邊睇。結果嘛,架上這賣剩的最後一盒粉,是大路的 Petal 自然色,都好啦!於是被阿桔掃埋喇! 一盒粉還有一包替粉芯,嘻嘻,才三百一十九,相對歐美的大牌老牌妝物,韓妝物相對地真係好抵用。




至於卸眼妝水,阿桔都係用緊韓牌。之前用日本牌子,卸眼妝需要點「耐性」,用哂要買,於是阿桔經過 too cool for school 就買支試啦。真係好正。卸得快,又香,又徹底。好。噢!還在店裡找到薄粉撲!用開的 NARS 粉盒很薄,跟盒的那個粉撲薄得如護墊,買的時候問了店,竟沒有 refill 賣,搞到阿桔在更換粉撲後要加橡皮筋去紮實個粉盒。哈哈!估不到竟在這裡找到適合的粉撲,勁開心!一點的很店員還給了兩包肌底霜試用裝。好用就會記住,之後要買就多個選擇啦!




有同事見到阿桔過年後日日化行妝返工,一位女的問係咪有特別「原因」;一位男的,說見到阿桔個橙色唇膏聯想起星星喎。。哈哈,阿桔沒有看此劇啦!利申一下,搞到花碌碌咁真的唔關個劇事。無中劇毒啦。

不過,阿桔在公司長期屎面,如果塗紅色唇膏,整個面口更黑囉。哈哈哈。

相比那些宛如長期食忽得食壞腦係唔係時候都一樣失禁地嘻哈大笑,相比那些一講少陣閒偈應該即刻死的,相比那些小小事都以誇張作狀的語氣及表情拎出來迫分享的,相比那些三催四請都踢唔郁的,相比那些背脊異變成了鴨結果凡工作都水過鴨背式處理的,阿桔的屎面,都係對得呢幾類冗員多所致。

沒有留言: