Sherlock

由聖誕前到農曆新年前，煲了由 Benedict Cumberbatch 主演的 Sherlock 共三季共九集劇加一個迷你版 Many Happy Returns 。當中有幾集還煲了超過兩次。有人鼓勵要學好英文，就睇這個啦！若不用字幕齋聽都明哂對白，就真係會比阿桔的西人上司的蹩腳英文勁好多喎。

之前阿桔對西人上司的「英文」真係抱匪夷所思的程度。以為「呢句話英文可以寫成咁咖？」。。結果，在不肯定上司真正「意思」而請教人幫眼了解一下，才知係西人的英文「狗屁」。如果仿傚，定必被恥笑喎。阿桔懷疑，西人明明係西人，點解由細講到大的語言都可以這樣蹩腳，朋友聽了後不以為然，說呀，中國人也不一定個個能寫得好中文啦。諗落又係。明哂。

語障原是無分種族界限。。

無聊的阿桔偶爾都會自誇一下，英文程度竟可媲美西人喎。

是不是扯太遠呢？

好老實，Sherlock 集集都急口令，有些機關槍吐出的句子，阿桔連中文字幕都未追得掂之餘也未即時理解，何況英文！於是咪要好專心地看。幸好，真的好好看，才不致睇到洩氣。當然，主角和劇情也十分之精彩！

不是此地無銀，阿桔讀書時候，真係好迷睇推理呀偵探類小說。柯南道爾，克莉絲蒂，松本清張都睇過哂，不過忘記哂啦！

不過哩，呢套係阿桔近年好沉迷的唯一電視劇。真的。不看大陸劇，不看韓劇，亦無乜看日劇的，真的好迷呢一套。

期待第四季。。