1.7.13

洗銀飾

一直為氧化的銀指環傷腦筋。雖然有抹銀布,可是氧化得太久,裡裡外外的,拭也拭不去!亦由於有其他銀指環戴著,所以咪一日拖一日,幾年下來。。

看,這一枚明明是銀指環,卻因為長期疏於照顧,就中劇毒一樣了!


因為不想用洗銀水。事情膠著。後來,有天,去了一間銀飾店,店員教了一個小方法給桔。。這個小方法,連隙縫的氧化也可一併消失咖!
是咁的,用1份鹽加5份滾水浸銀器再放錫紙落水攪動。。拎出再擦。。就成。

鹽和水的份量是在孤狗搵到的。家中沒有錫紙,又不想買來浪費,先用鹽水浸下睇睇,浸了幾回,效果不大。

在公司飲粉,望到!遂撕下罐上的錫紙片〔定係鋁?〕一下頂住先。。浸左一日,竟然得喎。呵呵呵!

兩枚指環的氧漬在鹽水裡拎出來後裡裡外外一抹就無哂!

這麼冒險浸成晚,當然有考慮過銀器承唔承受到〔阿媽以為真係925的銀鐲就這樣報銷了〕。這兩枚買左十幾廿年,雖然好平。但都一樣飽歷風霜了。

由細到而家都偏愛銀器,細個賣「金蘋果」就覺得好威!要show扣上那個蘋果仔出來先夠照。後來人大點,會去其他銀器店買〔圖中兩枚就是〕。之後,在中環返工,每次經過太子大廈裡面間 Chrome Hearts 都要賴在櫥窗看一輪才走,結果嘛,抵受不住誘惑,分別在太子大廈和半島酒店商場的店都買過指環〔鐲子太貴,當年未捨得買,現在應該不會買了〕。之後就一直戴到現在。銀器還是需要時時配戴上身才保養得好。

豪情的事。都要考量一下自己應唔應付到。左手手腕不能亦不想太受力,所以都不會長時間戴「有重量」的飾物。粗獷的銀鐲子,留在心中好了。

好啦,那店員那天還跟阿桔說,不戴的銀飾,最好放到密實袋裡存好,否則就會再氧化啦!

收到!

沒有留言: