尋殼。。

換了電話，因為既不是蘋果也不是三星，在坊間找電話殼，竟成了近來阿桔最大的活動。困擾，搵多兩三個款都沒有。到星際呀188呀298呀先達呀黃金呀等等搵，滿店都是蘋果三星這兩大品牌的殼，越來越沮喪。

有日，大王帶阿桔去搵黐漢〔手機店幫人黐手機保護貼的高手〕買保護貼，黐漢都忍不住問阿桔要不要買個電話殼。。

『架上面得一款揀。。』阿桔咕嚕著。

「有咩？剛返貨，我未拎出來喎！點會得一款揀呀。。」

旋即他從背後的紙箱抽出了兩袋電話殼出來。一款係仿皮面的，另一款係軟膠殼，兩款各有幾隻色。就係咁。

嘩，真係。。不過，還是買了個白色透明軟膠套，。電話嘛，有保護總好過咩都無。

故此，唯有轉為搵個袋裝電話啦。

雖然姆明系列並不是本人至愛，但那天在精品店看到這紅色亞美小布袋還是忍不住買下來。袋是游水布的料製作，不黏毛，合用。

用來裝電話，剛好！

阿桔開始好認真地諗，要不要買幅靚靚的布自己手作一個電話袋。。或是，用家中的游水布來縫製電話袋。。