太陽飛馬對南區

天灰灰加無乜心情，本來在家遊魂。不過大王說五半元朗有波睇，所以執番正眼耳口鼻出去睇波。

是日有贊助喎，入場費祇需一草！驚訝！比去屯門睇要兩草還要便宜。希望有場好刺激的波睇啦！

刺激呀！可惜係，呢場的「刺激」係好眼冤那種刺激，飛馬無運，埋幾次門都射不入都算喇，整隊人好亂又散，無哂組織，完全不在狀態似的被南區球員牽著走。輸兩球，真係輸得好鬼肉酸。

附近有位球迷慨嘆，飛馬真的不復往年。。是啊！我心裡真的很懷念每次入球都會整個心心手印的卡里祖，那個好專心踢波的李康廉，還有好有氣勢的壽典，也有跑呀衝呀的伊達。。

點解現在搞成咁！？