美滿的三杯豬手

屯門美滿的三杯豬手，好好味。

街市

路過~

味覺四重奏

好好笑，我入到店，見到那位戴頭巾的先生好熟口面，而他亦認出我喎，原來他們之前在駱駝漆3期的咖啡店，自己出來開這間店。

因為未食晏，5點幾我嗌了個 set 。哈哈。

雜菌意粉，好 creamy 好好味。

這是店主朋友送的咖啡，他剛好泡了，斟了一杯我試。堅好味。

我選了一杯單品，因為唔要酸，所以店長從四隻單品度介紹了印度的給我。竟然唔濃烈。儘管老闆話放一下會有鹽的感覺，不過嘛，相對來講，我較喜歡 free 畀我試的杯那味道，濃很多。

不過兩杯落口都好舒服。

Cream Brulee 係送的，超級滑！喜歡！

呵呵，又多個地方睇書喇。

義順

其實我真係喜歡去義順食碗雙皮。

放毒

是上個月的事喇，店主又抖出新貨供大家揀。

真係一檯都係。哈哈哈。

日式雞丼

Lunch 食呢D，好囂張。我應控制午餐消費。嘿嘿。

粉方解．Pink Calcite

那次去店，明明唔買咖，不過店主一掏出剛洗過的粉方解後，就忍唔住執了兩件。

石很淡色咖，手機影出來效果差…看來要再花心思一下。

貓~

唔知邊間店的貓…

斜陽無限無奈只一息間燦爛

唱呢D…

因為我明明見到隻鹹蛋黃咖，不過返埋位 unlock 手機再回去 conference room 度，前後都無兩分鐘，就無左隻鹹蛋喇。明天即使同一個地點，同一個太陽，同一片天，但雲的形狀不會一樣啊。

無喇無喇。

姐妹貓

呢兩姊妹，蹲在店的兩邊乘涼。我當然無咁勁睇得出，係店主話我知佢地係兩姐妹啦。哈哈。

passion by gerard dubois

估不到大家都喜歡去 Passion 食食食喎。呢日茶會後有時間，而我剛好又被朋友通知晚餐要改期，於是不趕住走就跟住佢地去飲杯野啦，估不到去月球附近的 Passion。

哈哈哈。

黃髮晶加大衛星

之前觀塘水晶店又有優惠。一百元份，咁就認一份啦！黄髮晶吊墜係其整包八號仔(揀號碼，我想揀的七號無了)其中一樣石頭。咁我本身就有不少吊墜嘛，於是即時問店主有無靈擺鏈可做靈擺。咁哩，我揀了大衛星啦，好靚～

粒金髮在日光下閃閃發光哩～

洗頭水

HK$38 支 Daily Defense 仲有 946ml。真係好黐線。

因為主要用來洗衫嘛，所以買青蘋果味。。哈哈哈。

茶粹．茶會。

呢日又去茶粹的品茶會，飲台灣茶。有金萱烏龍，鹿谷〔比賽茶貳等獎〕，日月潭頂級紅茶，紅美人等等。

汗顏，不是樣樣茶都記著味道。而且每一隻茶飲四至五泡試味，我真的混淆了。除了熱茶，還有早一日整的兩隻冷泡茶。因為這天好熱，而我又係趕過來，我飲了很多冷泡茶啦，後來索性自斟自飲的狀態呀。哈哈哈。

這個下午我劈左好多茶落肚。好正。

電器貓

這位三色店長幾大年紀喇，係我光顧鄰店買東西時老闆跟我說的。我記得電器店的位置早年不是這間舖啦，原來搬了隔幾間，雖然裝潢和擺放方法跟舊店差不多，不過貓店長還是不習慣了好一陣子。寢食不安也會走到舊舖的位置蕩。

老貓貓係有樣睇。

沒有搞佢啦。我不是通街亂摸貓的人。癡漢咩。

拍張照已很高興咖喇。