金鳳鋸扒
這個匈牙利豬扒餐才七十幾元。。
不過。。扒都是牛肉的好味。
不過，我不吃牛肉。
claim OT 數。 〔偶有OT〕
18.5.16
17.5.16
【日月當空．卷一】．#26
2016年5月15日。好像跟上一本書隔了很久。是的。因為同時間在刨幾本書。這本例外。
這是上次和朋友聚會時友人介紹看的武俠小說。好耐以前買過尋秦記，卷一已頂唔順，太多交媾。我雖是看鹹故大，可是明明要看正常的武俠小說而非為了看男主角拎佢把劍周圍篤囉。所以，就放埋一邊無再睇喇。
那夜，友人介紹，亦略講乾淨版，於是，又再提起我睇武俠小說的興趣。
先來【日月當空】，共十八卷。。成套買拎唔到，兩本兩本買啦。一千鬆尐就睇完這一套。〔樓上書店折實58元本〕
故事時間係大周，講武則天的。
16.5.16
Rose Quartz
買水晶買到地球另一邊喇。。在網上訂購了六枚水晶，跟賣家確定了幾次地址，前後等了個多兩個星期，石頭們終於從邁阿美海灘寄到我手上。哈哈。
這一枚已打磨的粉晶，在網上見相已喜歡。。老實說，我都有掙扎大半個月先拍板買。拎上手，好重咖。
另一樣，係買了五枚粉晶 raw stone 。其實上堂的地方都有石頭賣，不過無問價位。嗯。。計埋運費，點都平過我這樣空運石頭。。
係囉。
所以，五月要收手喇。〔有人不信我忍到手，說「聽住先。。」〕
15.5.16
14.5.16
那天抽到海底輪卡。
話說早幾日朝起床又抽張咭。抽到這一張：海底輪。
咭上印著：『choose only positive thoughts to describe your home, career, and finances, as your words determine your outcome.』
真係好神奇。
話說，當日有個 appointment 係要同另一組某上司傾偈，而這位上司哩，我平日都幾抗拒佢咖，不過這個逐一見職員的 project 係部門阿頭下旨用來了解各同事公私兩事，看看有什麼新東西〔學歷之類〕配合到工作。可以拖，無得避。成部門百多人，尚有廿個左右未約見。我日常都係獨行仗俠式工作，直屬上司都放心由我處理本身的工作，所以我真係好少有會面要探討改善工作。。
我就是在前一天同意這 appointment。
因為抽到這張咭，拉弓的心情不得不作適度調整，盡量用較正面樂觀的語氣同字眼去講我「可以講的事」。負面東西都係忍下口好喇。
結果好重要丫嘛。
況且，天使咭的指示叮囑實在寫得太白。
如果奇妙的事，又豈止這天抽到這一張咭。。
仙豆
繼續講我那晚拎了些石頭畀我個朋友望。。
這一粒，佢看完後都一樣問我這粒玉多少錢。我說幾百元〔三至五百左右〕。他說，好抵玩啦。
當時我沒有看他照石出來的效果咖，不過我之前在這裡都放過這粒石在日光下的圖片，本身都靚到爆。不過，在燈光這樣照之下，粒玉呈了另一面相，嘩，半透明，內裡沒裂沒痕，宛如一粒仙豆。
正到一個點。
13.5.16
Diesel Ring
呢隻 Diesel 指環哩，買了很多年喇。不過早年被我整跌了中間粒石〔應該係膠〕，所以放埋一邊。。上個月執房，竟畀我搵得返中間粒皇冠，哈哈，當然搵膠水黐返粒石上去。
終於合抱。
純好物分享。
12.5.16
Jade．不亦悅乎
真係好痴線。
話說我拎了幾粒玉石畀朋友睇，朋友看畢後話係堅的，而且才幾百元絕對抵玩。於是，我回到家後買了燈，又有樣學樣，照下。。
結果呀，原本一粒我一直以為係墨玉的東西，竟然咁樣樣。。
在燈光下，本來灰黑色石的變成半透光，而墨深色的就像潑墨的綠，黐線，好靚呀！
估不到我自己憑感覺買了這樣的一粒玉。。真係傻人有傻福。
嗯嗯，再買玉的話，真的要帶埋支燈去。
粉晶 Rose Quartz
之前的桌面相曾出現的粉晶金字塔，其實係上個月才買。哈哈，一直拍不到靚照片所以未獨立出 post 。既然近日有盞燈，當然又拎來試效果啦喂！果然，在燈光下，這個金字塔呈現一種神秘又迷幻的色彩。。
突然好螢石咁。
正。
11.5.16
10.5.16
螢石 Fluorite
是咁的。前篇同坦桑石一起買的，就是這一枚綠螢蛋喇。就是這顆蛋，店主要重新包裹寄盒畀我啦。
據說除了可放在眉心輪外，螢石都適合水瓶人。不過，看過在燈光下的螢石，就一定被深深吸引。
這顆綠螢，盛惠百五元。
公司光管燈同日光下就咁睇，無咩太大特別。
一隊落支 clip light 度，爆到。。
係靚爆的爆。
除了單色螢石，還有混色的。即使係單色，都有好多色彩。。我想買藍紫紅。。下次先。
Korokoro clip light
話就星期五晚朋友從袋裡掏出三支電筒照我帶去的晶石，還說去店買玉石最好都係帶支電筒去睇清楚先拍板喎，於是，就決定要買一支輕巧又方便又可夾起的燈仔用。後來，絕對係吸引力法則再一次成真〔我好清楚要什麼，有什麼要求〕啦，我行過屋企樓下商場，無啦啦走去望下放在角落的一排扭蛋機，竟然發現有 Korokoro clip light 完全符合我想要那種燈呀！廿元扭一隻。嘩。。勁抵，我前後扭了兩粒蛋，一支放在房，另一支梗係放在公司照啦。
好夠光咖。。。而且有個夾，不用騰隻手去拎住，好方便！
照石的相，會陸續放上來啦。。
9.5.16
鴨店星期五
一日內，有兩個飯聚。真係難得。
話說同一班識了十七八年科林友上月吹雞食飯，揀了6號，不過到星期四才知有位靚女跟我在同一條街返工，因為晚上要湊孩子，於是晚餐去不同，只能同我去食晏。於是，我們去了慕茶食。哈哈，其實我係第一次同佢單對單見面食飯。顧住吹，無拍照。哈哈。
好愉快的一餐啦。
晚上，去了太子的COCO鴨跟另一班網友聚會。今次只有五人出席，不過大家都好開心。這晚講電影〔美國英雄電影〕講養生講書〔外國小說到本地小說，恐怖小說到武俠小說〕講漫畫〔美日港漫〕講動畫〔經典的日本動畫〕講美劇講打機講下生活，真係好盡興。我學到好多呀。。又添了一堆書及電影入 wish list。要買要買啦。
這張相係我在店外whatsapp 問有無人到了後有位阿靚仔傳畀我的。相中人唔識咖。不過天花吊燈正好照住佢，令照片好有味道。
絕對係 Happy Friday。
坦桑石(丹泉石)
坦桑石是我想買的石頭之一，寶石級的種真係靚到震〔躂落黎號 Kate 戴住那顆閃閃巨石「海洋之心」咪就係寶石級坦桑石啦〕。不過，睇下好，市面賣的石，價位真係幾千元起跳。而我其實較為喜歡實石色的坦桑石，因為色澤所好啦。有天在網上終於見到心水顏色的坦桑石，於是即舉手買買買。
付款後不夠四十八小時，手串已寄到我檯面喇。這店家真係服務好！
盒子咁大，梗係唔止一條手串啦。店主本來用泡泡袋入了我買的兩樣石，不過後來怕寄件途中有意外有跌撞，於是找了個盒子入好才寄，安心好多。我見到個盒都笑ed，因為我買的是兩枚小小的石頭咋。哈哈哈。
這是我想要的藍色。這手串，二百八咋。
話說在中環家庭式珠寶店做的朋友講，坦桑石係稀有的石，礦量很少，商人竟用殺雞取卵的採礦方法〔即係炸礦〕，所以都好傷石頭，就快絕礦喇。
咁，我係咪要再認真諗下要不要入返粒寶石級？
盒裡的另一樣石頭，遲些再分享。
8.5.16
7.5.16
北京老家
臨急臨忙要搵間有中菜，既有水準，又要唔貴，方便大家散水〔就元朗就西營盤友〕，亦方便大家搵到〔有行動不便的老人家加路痴〕。之前還有泊車還擔心落雨又唔想分時段可坐耐尐。。可惜，The One 的及 K11 的，不是爆哂就分時段，六或八點。結果，見到這間北京老家，看菜餚都幾吸引，於是打去訂位，亦慶幸訂到。車，只好泊到 K11 那邊啦。反正不是我付停泊費。哈哈。
兩老人家都咳緊啪緊藥，加上本身皆揀飲擇食之人，病緊就更多東西都唔食得。可是，看菜牌都懶，問他們叫套餐好不好，兩個沒無認真望餐牌就猛話叫乜食乜啦，由後生拍板。因為有七大一細，於是叫了個六至八人餐。亦係這店唯一的六至八人餐。
意外地，個套餐其實不少菜餚都係辣，辣油，椒，胡椒，酸菜魚裡有連梗的胡椒，甚至泡椒都有，可想而知，這一頓餐，兩老一個早早停口，一個就刺激了喉嚨咳起來。而我嘛，我其實都唔食得好辣咖，不過這一頓的辣度，又唔係誇到入唔到口，反而覺得好惹味哩。
無椒的菜，得雞絲粉皮，片皮鴨，餃子，上湯豆苗，豬骨。。同埋個士多啤梨拔絲〔不過老人家未咳完，食拔絲時又被拔絲刮到喉嚨，又繼續咳〕。還外加一碟素鵝畀老人家。
嗯嗯，這個套餐，盛惠一千九百八。不過這店子的菜，由冷盤到拔絲都好滋味，如果有中菜飯局可以考慮這店啦。
碟草捆牛骨，真係好大碟。。不吃牛的我，只看看。
宮保蝦球，好好味。紅色一個個不是番茄仔，而係椒來咖！
這個酸菜魚都好正！
這店的片皮鴨好好味。
個拔絲會不會太漂亮呀？
BY THE WAY，京菜是辣的嗎？
訂閱：
文章 (Atom)
