係。又添一粒隕石成員。呢粒一望就知係綠隕啦。係我第三粒綠隕BB。一千四百幾十萬年前的寶物。
網站 Healing Crystals for you 說，
30/06/2018
熵 Entropy。
看這個故事的時間，正好是我人生某部份亦陷入熵的狀態。當然，拎起本書開始刨當日係未知講熵。
能量在消散。如放在桌上的熱水，會變涼，唔會持續地熱。
更何況覆水難收…
不可逆轉。
這隻玫瑰味叫「影中之水」。都係買左後再上網找才知。這支油，香味比 EDT 持久好多。所以我才買。當然，唔買無花果啦。同一時間買兩瓶無花果，感覺好似買同一件貨咁。
呢隻好香。
因為吉本芭娜娜在其書裡一角常用呢隻希臘無花果，於是那天去睇暴龍骨後就轉入去旁邊的專門店…結果買埋。
其實係噴那下好香無花果味，之後都散哂，重係散得好快。
千幾銀，值唔值呢？
經過K11地庫有間賣泰國土產的店，見有香茅蚊膏，12元，所以買一瓶試下。D味幾啃咖，而且係綠色的油膏狀，不過真係堅work。
話說有晚未睡著前有隻轟炸機低飛略過耳際，打個冷震即時起床開燈搵，見大大隻的機飛高飛低〔我唔敢用手去拍死佢〕，於是急急搽呢隻蚊膏去耳背位置，至少攻到隻機唔好飛近耳邊。呢頭搽完，都未熄燈，望下見唔見隻機…點之發現跌死左腳邊。用紙巾執走，一晚好睡。
於是，蚊膏傍身，坐公司車見到有蚊飛過，都唔理喇照搽少少到腳眼位保護一下。
惹蚊人可考慮。推介。
25/06/2018
劉以鬯這個故事非常易入口，亦好寫實〔用下體去吸煙真係以為睇緊以前報紙的風月版〕，也道盡「貧賤夫妻百事哀」的道理，不過，主角不停遭雷雨式一波接一波打撃，其實搞緊咩呢？
而且，阿大離家出走，阿二又係咁…真係…唔識形容。
很少一本書裡男女大小角色都一致唔討好，呢本的確係一絕。係，得一個算叫做好人，不過都係唔多正常，愛上一個食白粉又有性病的吧女。
生命只得一次，請小心詮釋。
身體只得一副，請小心使用。
有晚去上堂，導師是台灣人，因為國語我都係唔聽得流利，所以當時唔知導師叫大家用穴貼貼呢度的，除了仿針灸外，都唔知係咩穴位。
課後上網找資料，原來這三點位置為制污穴，出於自成一派的董氏針灸，據講有七百多個穴道。加上傳統的三百多個穴位，有人學識哂對應，功能，主治的話，真係要畀個讚佢。哈哈。
至於這個制污穴，網上睇返專治青春痘，長久不癒的瘡或傷口，女性週期不暢等等，嗯，所以記錄在此。
有趣。我指人體真奧妙。
上回睇皮膚科醫生後點左我去買 D 護膚品嘛，呢隻藍銅係其中一樣。
牌子熟口熟面。於是找資料，原來曾用過呢隻牌子另一隻 serum 的 sample 。
都係一句，上網係搵唔到呢隻牌子的官網。盒上的 link 係死的。盒上印的公司名也找唔到。所以用完呢瓶我一定唔會再買。
去只收cash的書店，散銀唔夠，只買了三本：《中國傳奇小說》、《華山夏水》及《哲學問題》。
《中國傳奇小說》是林語堂揀選歷代特別的民間故事，把十九個〔其實有廿個，目錄少了「詩社」一篇〕較代表性的再輯印成書。虬髯客傳、鶯鶯傳，南柯太守傳，小謝、嫉妒、碾玉觀音、書癡、離魂記、人變魚，人變虎、狄氏、貞節坊、無名信、白猿傳、中山狼傳、龍宮一夜宿、定婚店、促織、葉限和詩社…
咦？唔通「詩社」係彩蛋之類的 hidden story？哈哈哈。
My blog is worth $3,387.24.
How much is your blog worth?
