Red Aventurine．紅東菱
綠東菱見得多，在老師的店第一次見紅東菱，想這花瓣形狀可以做點「什麼」，於是買下。
5.1.18
4.1.18
《MR. GOOD》．#1/18
01/01/2018。
把此書作為元旦第一口讀品，係故意的。
與其說尋找一個 Mr. Right ，不如在新的一年找個〔或當一位〕 Mr. Good 吧。一直覺得 Mr. Right 太方向性，實在太左喇，而且總是側埋一邊，他所抱持的「對」絕對唔會為你而右擺囉。哈哈，有無見過「左仔」係正常丫？
Mr. Good 哩，就係樣樣都好丫嘛。 佢好你好。自己稱心如意啊。Good 係無分上下左右嘛。
Be GOOD，Be YOU
共勉之。
Be GOOD，Be YOU ~
Happy 2018 ~
巴打廳
上桌時以為好辣，幸好只係錯覺。一點都唔辣啦，仲好好味添。人總係被色相影響判斷。哈哈。
講你知，D蒜蓉撈埋D米線食勁好味啊。雖然呢個係胡椒豬肚雞湯底米線。呵呵。
天寒地凍，吃了點辣，即時暖笠笠哩。
I Love You Dessert Bar
那天明明吃了盅凍龜，連經過抹茶甜品店都忍了口咖！可是見到這間店，見到日本好熱賣的流心梳乎里 pan cake ，就忍唔到喇。
揀了個 Signature Cream Cheese 。好妹味。
放相上IG，阿妹都忍唔住叫約佢一齊去食。好啦好啦。
新年快樂。
3.1.18
《刺殺騎士團長．第1部》．34/17
29/12/2017。這是2017年最後睇完的一本書。
是沒有純粹的巧合。朋友占算後告訴我的，跟書裡主角所面對的無力感，跟我的心 WEWONWON WEWONWON 咁相呼應。〔對上一次係天吾。可是我的天吾已然失去〕
看著書裡的文字，把我一直不敢面對處理的感受挑出來。
血淋淋地。
意念顯現。
第一部的書皮係紅噹噹的。我說它比聖誕老人的戰衣還要紅。那天翻出第二部，意外地不是紅色書皮喎。
呢隻書皮，好易破損，你看，書角都磨白了。到手才幾日咋！哎呀 ~
2.1.18
1.1.18
緬甸玉花牌．Jade
幾個月前聽水晶導師講過，放蝙蝠在銀包內好啊。記著，卻沒有即時去搵。哈哈，唔知點解咁沉得住氣喎。呢日和朋友仔去買水晶，趁其他人未到，先問起老闆娘有沒有小巧蝙蝠造型的礦石…晶石就沒有啊，想想，老闆娘遂從飾櫃中掏出幾片小小的玉花牌出來。
『這幾個是緬甸玉啦』老闆娘說。我看著眼前幾片不同形狀的小件，蛋形，闊梯形，窄梯形…呵呵，有蝠仔喇，我已閃閃眼。
用電筒一照，看到比昆布還要綠的色彩，是墨玉嗎？有趣有趣。左揀右揀，結果選了這片蛋形雙面的「有蝠氣」。放在銀包內小巧又方便。
當然，這些雕花手功，在平常的大連鎖金行的玉器區已找不到啊。
唔好問我幾錢喇，我唔記得，反正問完都會買的「事實」下，問完覺得OK就自動忘記水位如何啦。
因為這形狀只得一片，所以買唔返一模一樣咖喇。
後來，同行的兩位朋友仔，見我買花牌〔朋友仔叫它「屏風」。哈哈〕，都話好野，後來也掃了一至兩片花牌。老闆娘把飾櫃中的花牌拎出來畀大家揀，除了蝙蝠，還有龍有鳳的，每一件都好靚。
大家滿載而歸啦。
太陽．Sun Stone
在店裡另一條一直吸睛的手鏈，就是這閃到七彩的太陽石。扣著的牌仔寫住July 09，應該是店子入貨的時間吧…經過這麼多年，終於有家喇。好閃呀你，我帶你走啦我帶你走喇。呵呵。
悄悄說，這條鏈，我之前之之前之之之前在店摸過好幾次。哈哈哈。
實物閃好多咖。每粒都閃！
雖然比較多礦缺〔l like it〕，卻無損我對佢的愛。係愛呀。
黃晶．Citrine
其實這條黃晶我睇上了一年喇，每次去店都會伸手摸下，因為真係好閃好爆好誇。不過當然一直唔捨得科水，所以摸下就算。想想，既然太陽神經叢常常塞，不如搵佢幫拖。於是，付三百多帶佢走。在日光下，真係閃到哩…
愛。
17年12月．買書16本
2018新年快樂先。
17年的十二月去書店簡直上哂身。
《Wire Wrapping: The Basic and Beyond》 12月27日。這本書終於從英國寄到我手喇。因為懶執位，所以排在最頂啦。趕得及在同一個 post 出，Good 呀！
哈哈，我在Book Depository 訂了三本同類型的書啦。下邊會見到另外兩本。
《刺殺騎士團長 上、下》精裝版。厚皮是紅過聖誕老人件戰衣的紅，熨金字，好靚！那天在樂文訂書還在猶豫買平裝定精裝，哈哈，後來聽S講書到後店長的意見。未取書的我都有點後悔買了不環保版。不過，當拆開包裝見到書是厚皮是紅色好有節日氣氛時，就原諒了自己啦。嘩哈哈哈。
原諒自己啊。
《每一個否定，帶你更接近肯定》 。Doreen Virtue 是誰我想不必在此介紹。見到書，買。
《平衡世界的愛情故事》 印象中這是我第一本買的東野圭吾。
…究竟我睇過東野圭吾的書未呢？完全無印象。嘿嘿。
《f(x)=殺人程序》 張草。應該會再買他的作品看。
《101 Wire Earrings》 參考書是必須。哈哈。
《Twists n Turns The Art of Wire Wrap Design》 參考書嘛，多一本就多一本的資料。好實用。
感覺上，花六百幾元買這三本英文書，有點「去意已決」的情緒。
英文書真係堅貴。
《網內人》陳浩基這書寫 over 30萬字，但節奏好緊湊好明快，故事都好多細節位和反思位，推介。
《金屬線的流行飾界》在水晶店買的。那天我問老闆，佢拎出幾本出來，我揀了這本有較合我用的資料，買。
參考完，就要實行喇喂。
《Mr. Cheerful》
在童書店見到，一架都係，一發不可收拾。最後揀以下幾本。是的，總有想表示的意思。
《Mr. Good》
《Little Miss Magic》
《Mr. Happy》。送了畀朋友的兒子，希望佢開心成長，亦是大家的開心果。
《Mr. Messy》
黑澤明咩。哈哈哈。
《CoCo》 在戲院睇完 trailer 好喜歡，講鬼咖原來。所以在童書店見到這本書就買了。四十幾元咋。
又話唔買，今個月反而買多了。咁多書，真係唔踩行油都唔得。哈哈哈。
再一句，新年快樂。
你好．2018
有些計劃在進行中。
① 第一道門其實在2017年啟動，詳情容後再說
② +旅行
③ +課。想學的有一堆。
④ +門
⑤ +朋友
⑥ +70本書
⑦ 哲學 + 心理 + 身心靈
⑧ +錢
⑨ +愛
⑩ +HK$30,000,000
好似要打十個咁。
訂閱：
文章 (Atom)
