手帳。0314。Trap Trap

科普完 「Thucydides Trap」和 「Kindleberger Trap」得啖笑。

人和人之間，只要有人不安好心，只要有人自大，只要有個思維粗疏，都可挖陷阱。

話說，家中老人長期係黃鼠狼目標，就早前，跳過哂幾個仔女，無啦啦有狼伸出援助之手，幫佢辦理回腥卡續證，於是佢就心思思要過境旅遊。還出口術想有自駕同行，車出車入。

更近期係，又有狼話幫佢填表申請電費減免。若不是問我電費單放在什麼地方，我都唔知佢又打算把個人資料送埋去騙徒度。話幫佢填表梗係那坨專食熟齡的蛇齋餅啦。我話佢知，佢把住宅證明身份證簽名送上，騙徒可用來借財仔做擔保啦。佢又唔係獨居，又無拎綜，又無殘疾人士登記，哪來可減免電費？心諗，同佢講，要佢掏資料的除非白痴，就係黃鼠狼。

因為佢識對方，我唔識，所以當聽到我滿口質疑隻狼性就覺得連累「好心的」對方受辱。這種天下無賊的態度真係好智障。明唔明白家中人「心很累」？

食得鹽多真係智商都變低。唉。