FEB18．買書16本
話唔買唔買，呢個二月，無啦啦都買了十幾本書。點解咁咖！哈哈哈。
首六本係在博客來訂，廿六號寄到手。
《百年孤寂》。想想書看之後其實都會把書放到 Sparktake 度賣，那個漂亮但價格稍貴的限量書衣版，嘿嘿嘿，還是放棄好了。
因為要訂其他書，所以把這本一併訂購。了個懸念。哈哈哈。
《貓語人：殺意樹》。這是新版本，不過以前未睇未買。這個封面很美。
《愛自己沒那麼難》。我是在元朗一商場的店外看介紹知道 Jack Chen 這位老師，有 follow 他的面書專頁。所以他出書，講人生很多人覺得「最難的功課」，買本支持。
《乩身：踏火伏魔的罪人》。補買返本卷一睇。哈哈。
《古都》。朱天心的文字很美，不過早期的作品未睇過，所以搜刮返本成名作睇。事緣書是十幾年前出，我去過樂文，開益，森記都唔見，誠品幾殘下，所以最後決定直接在台灣訂返過來好了。
《地海巫師》。因為作者一月往生，見不少人談論盛讚她的地海系列。未睇過的我心思思唔知合唔合河車卻又唔係好想一野買哂成套六本〔突然好理智〕，於是先訂卷一的《地海巫師》回來。
星期日早要在上環上堂，無法日上三竿至起床，假日的活動時間多了許多，結果係錢都用得多了。
這天，逛書店去啦。中環的上海印書館。
《盲人鐵口斷》。屬八字算命。唔知之前有無講過，其實一個人的生日時辰天干地支哩，係可以睇到佢高矮肥瘦黑白咖，當然，熟哂入腦就琅琅上口就勁啦。呢本係口訣，想起以前跟老母去搵深水埔天后廟擺檔算命的盲公睇流年，睇埋佢用龜殼占卜，童稚的我那時覺得不可思議。〔當然，龜殼占卜銅錢排陰爻陽爻應該係易占那瓣。〕
盲派有盲派的口訣，自成一家。難得出書介紹，所以先買這本來睇。在書店度還見有好幾本啦。
《陰符經集釋》。上古黃帝所寫咖，三百餘字點解點用點拆，成了一本書。
《香港風水漫談》。封面實在太可愛喇，於是拎起揭下咩料。我見內頁明明印住1975年發行，可是整本書紙質好白又無甩墨情況，內頁又無寫明係重印喎，於是問店長〔老闆吧，刨緊馬經聽緊賽馬〕呢本係咪重印版。佢話係重印呀。唔好意思，後來才知曾子南係近代著名的尋龍點穴高手，曾在香港住過，跑遍香港各地，寫下這本書。因為他寫的是1975年前整個香港的山水風貌特色，所以我便買下。哈哈，絕對係另類香港遊蹤吧。
《皇極經世真詮-國運世運》。呢本書好貴。不過在星易度問左店長拎了出來唔買又唔係幾好，我確信用了D錢係會賺得返，所以明明要HK$288打八折都照買啦。
唔好問我睇唔睇得明。哈哈。
在灣仔森記…
《乩身》。男主角係中壇元帥〔哪吒〕的乩身。他有些什麼經歷？買書的時候沒為意，有前作…看來要買返來睇。當然，新一章也上架了，都要買。哈哈。
近日台灣有個節目拍一班小童「訓乩直播」，好恐怖的，都唔明D大人點解會帶D細路去玩咁大。
《S.T.E.P.》。因為想追返陳浩基的作品，所以見書店書架上有，就買這本。
《異人》。講人性。
三本書係「外遊」其間買的…
那天在網上見到真步堂的書，教人睇曆書〔通勝〕，咁無理由唔買，所以落堂食飽飽之後去了旺角入貨。
購於金魚街間陳湘記。
之前在大眾見過《獨立屠場》無買，之後一直搵唔返。呢日在樂文再遇，不可再錯失機會。
2014年尾，覺得應該好好認真地捧讀歐威爾《動物農莊》。拖著拖著，直到月初突然心血到，買了這個版本。樂文得這個版本咋。
唔知點解一直提不起勁去睇呢本，所以早年睇過《1984》就係未睇過這本。邪就邪在，同月真人版農莊突然正式全球公演，嘿！連帶這書名都成了鄰國的禁語，唔准提。
使唔使咁巧合呀！又是預知能力？
咁多書要睇，究竟hen懶〔已是常態〕的我做得邊樣？
哈哈。
都係一句，加油加油咯！
沒有留言:
發佈留言