穿裙子的日子

呢條裙是月前從日本訂過來。哈哈，在網頁見到 Poppy 已非買不可。當然，價格相宜。

遲疑就買唔到咖喇。。〔因為我還掙扎要買一條連身紅裙，決定忍到新年假後再訂。假期後上去網度搵，竟然全賣哂！〕

著了十幾年褲的人，突然轉著裙唔係發姣，係始於一些慘烈的經歷。不少商場高廈的女廁，又窄又細，我試過閂門開門都好艱困的窘局，亦試過褲子貼到馬桶，也曾因地面濕漉漉而整濕褲腳。自從買到裙之後，去廁所遇到的問題少左，細廁所真係無得搞，經典一次係廁格細，廁門太貼馬桶，我連上廁所的坐姿都坐唔到，頂膝。〔呢次係 course centre，在中環舊商廈。幫襯過一次非常狼狽後，之後上堂前先去附近永安呀南豐呀的廁所才去上堂〕

咁，以後買裙算了。

哈哈。