NIVEA

同齡的朋友 F 話畀阿桔知，佢同事個妹〔比F和桔還要大兩歲〕的皮膚好到不得了。問平日用什麼牌子護膚，嘿嘿，竟然是 NIVEA。話說她早年去乾燥的高原旅行，買了瓶 NIVEA，用後皮膚竟比旅行前還要好，於是從此就用這個喇。

這瓶日霜含 Q10。Q10 是什麼大可去孤九一下就知，這裡不贅。不過，上次買了支 Kose 的 Q10 手霜，阿桔見大支就用來搽埋身上的癢到爆的濕疹，卻搽好了皮膚就真係堅料。所以，有打算再買所有含 Q10 的護膚品來用。當然，同時，阿桔用緊的P乜-C牌子面霜，卻因為效果完全唔明顯而困惱。唔用又肉赤，用又不覺好，真煩。就在這時，朋友的介紹好東西，就好像苦海明燈。點亮了桔。

在藥房找到這舊包裝日霜，唯一一盒，HK$83。買了。和P乜-C牌打孖搽。搽完再化妝，上粉易了，感覺良好。

在網頁見到有卸眼妝水，正好！在卓記見到，買來試啦！HK$48 左右。

還買埋 400ML body milk  HK$28.9〔超市〕，止汗劑 HK$32.9〔超市〕，晚霜 HK$103〔藥房〕和眼霜 HK$99〔藥房〕。

阿桔買任何東西都慣了睇盒面標籤，唔睇得明成份都要睇邊度廠出。由內地廠出的話，都會捨棄。這德國百年品牌，卸眼妝水，body milk 同日霜，在泰國廠出。而眼霜，made in France 。晚霜，則 made in Poland 。

有趣。

同一個 pool ，慳埋的錢，積少成多，買了一條白銀條。白銀條未到手，遲些放相上來。