第四日．蛋蛋出院了！

診所早上打來說蛋伯今日可以出院。太好了！不過，接佢的時候，要學習幫牠打胰島素和抽血驗血糖。阿桔在公司無法早走，所以要蛋伯繼續等，護士叫八點到診所接牠回家。

桔媽早上有去望佢。說蛋伯很抗拒關上倉門。喔！辛苦了。再忍耐一下啦。

放工遇上塞車晚餐未及去食就撲去診所接仔。阿蛋見到貓奴們，繼續屎面，粒聲唔出。護士抱了牠出倉，抽了一點生理鹽水示範如何打胰島素，也教埋怎樣抽血驗血糖。

學了之後，就回家喇！

因為診所幫阿蛋打針時間是朝八晚八，所以回到家，第一件事係逗佢進食再幫佢打針。屎面阿蛋不會因為回到家而放鬆心情，從貓籠出來後在家中亂撞，見貓奴在阻路就繞道而行，左閃右避，一句話都不肯說。結果，要抱佢上檯用手捏食物塞入佢口，吃幾口就忙為牠打針。

第一次打針，有點手忙腳亂，不過都好快完成。之後，再餵佢飲止痛藥水。

藥力發作定係多日無好好眠過？阿蛋很快在檯上打瞌睡，後來更把頭枕在阿桔的心口睡了。

阿桔手抱著牠，感到牠有點熱，是藥力令牠發熱還是這一晚真的很熱呢？

至於蛋蛋食用方面。。

匪夷所思。診所指計算過牠的重量，一日要給牠吃六罐！六罐呀！以前牠是這樣吃，但阿桔嫌太多所以希望減一下。風水輪流轉，由這刻開始，阿桔一家不單要給足夠的罐罐給牠，也希望牠盡情的吃。

佢唔肯食就頭痕。。

食啦食啦！快點食啦！阿蛋！