天樂里．強記

自從花花帶桔去過灣仔天樂里的強記吃小菜飯後，就決定了這是可打躉的店。選擇夠多，又夠鑊氣，份量也足，價錢公道，以後在灣仔多個選擇喇！不必再硬食有時揀無可揀的 ABCD 餐喇！

第一次去食，點了海南雞飯和枝竹炆斑腩煲。 可能桔實在太疲憊且這店的鑊氣夠兼桔食到刮埋煲底，結果，回程時已感到喉嚨有點痛。燥得滯上哂火添！之後要睇醫生囉。同食的花花話佢無事呀，而大王就笑桔一個煲食到咁實在太誇張。桔當時說，以後還是吃魚生好了。嘩哈哈哈！

不過，好吃又點會不再去吃！呢次，點了西檸雞和沙嗲金菇肥牛煲。好味好味。對於桔平日無咩食的人，這種的小菜真係花多眼亂呀！餐牌上仍有不少心水，下次再去食其他先！

例水係老火菜乾湯！下火呀！

原來這不是第一次一齊食大家的至愛。哈！

拌飯吃一流！