2020花曆
之前在異流買的大掛曆，終於得閒去旺角店子拎喇。好靚！個個月是不同的花啊。
但願花常在。每天也開滿花！
19.1.20
18.1.20
圍巾
朋友送的圍巾，很美，也因為我需要每日戴紅而專登揀了紅色款贈我。不過第一日用就出事，搞到我慘叫！
哇哈哈哈哈！甩色呀喂，出了一天做，回家沖涼到發現件白 TEE 心口至肚位和外套的領口位都變了粉紅色，急急用去漬洗衣液浸十幾廿分鐘加埋用勞工梘狂搓，幸好順利甩走紅色。
噓驚一場。
Anyway，多謝。
順逆
和朋友約去中環買墨水，當然先要食個靚晏啦，我提議去順逆。於是，我們便來了。
海報有好可愛的白貓。想起蛋的惺忪樣了。而我因為早出門口，魂魄也未齊。想放蚊蚊。哈哈。
咖啡花茶真係無乜邊度飲得到，所以和朋友都點了這個試。來了一大壺。好有趣的味。
這裡是素食店。這份是 all day breakfast 。連蛋都沒有，黃色的是腐竹。個貝果是店的主打，滋味！
另一樣係甜品。哈哈哈。靚到。朋友話個餅好好味。
17.1.20
Winsor - Newton
其實呢個名信片紙係2018年買落，本打算2019年畫些賀年名信片寄畀朋友作驚喜〔或是驚嚇，哈哈哈〕，可是因為一直無買到顏料而擱置。2019年整年都過得不爽，所以這包名信片就一直收埋了。直到那天同學團年，有同學拎了一些名信片畀我們寫些什麼給手足，而之後的鋼筆班導師也給了我們一張全白的名信片用來寫東西，於是，回家後真的扚起心肝搵返呢個出來。
期望快點用它可以寫點什麼畫點什麼啦。
Official :
Winsor n Newton
16.1.20
15.1.20
薰衣草紫晶手鏈
薰衣草紫晶出現在市面都有兩年多，那時我在油麻地的彩軒見過，店主也是新入貨，因為色澤太幻，所以他曾拎過貨品去做鑑定。當然結果係：堅係石頭。
那時沒有買，估不到朋友早前有入貨自己串手鏈，說可以愛情運 up ，聽到呢句加上想試一試不同款式穿戴的我二話不說拜託佢整一條畀我戴啦。
因為未見到朋友，所以延到一月初才取，朋友識臼井，即時再落重料。
哈哈，望2020年，如願以償。
呵呵。
十二元店
因為十二元店主要是賣日本貨，而且有文具，想買些信紙寫給手足，所以呢日我去尋寶去。
這包浮世繪摺紙用的紙也太犯規喇，絕對是我的心頭好。買。或者當信紙寫也可。
揀了一款我很喜歡的信紙。
希望收信的人也喜歡。
14.1.20
13.1.20
12.1.20
8.1.20
Top Blade Steak Lab
因為薯條任食加上入店點都要叫餐，所以下午四點幾一人點了一份餐。幸好，有西班牙豬鞍架點。哈哈。
驚喜一浪接一浪，凍檸茶係沒有檸檬片，精華都成了汁，酸酸甜甜的，超好味。一定要嗌。
先來薯條…正正。
呢杯檸檬特飲都好靚呀。好賞心悅目。
豬鞍架品質好好，好味到想再回味。再大塊點我都消化到。呵呵。
好滿足呀！搵日再去。
Official :
Top Blade Steak Lab
7.1.20
5.1.20
4.1.20
又買香
件事因病而起，唔好笑，但感激朋友在病時想起我給我機會扶一把。
廿九號那天朋友 Y 突然傳來訊息問我有無艾草碎可以畀少少佢用，因為佢一家四口都病了，樓上住戶剛好在點艾草之類的東西，聞了味，便想起我係買香人。當然有啦我。而且呀，我知道朋友狀況，梗係唔止畀少少，直頭加重料畀佢啦喂。
被信任被記住是幸福的事。何況，當下我要出手幫佢清清家中的穢氣病氣。
雖然在家而準備定除障草〔又叫雪巴草〕，十五年艾棒條和整紮白鼠尾，不過下午第一次去上堂的 workshop 竟然有艾絨條賣，天意呀！同一天發生！所以即入一份取代支艾棒啦。
而且，這些艾條不是國貨公司一盒盒有廠有號的貨，係手工野，還力了「料」，唔知靈氣定經文定什麼喇，所以，我覺得好好喎件事。
店裡還有崖柏線香，店主話用過 OK 至入貨，所以我都入一筒先。因為崖柏香我無啦。即晚都點了兩線。
又買東西了。嘿嘿嘿。
訂閱：
文章 (Atom)
