慢煮工業
人在 SSP，行完街買完要用的物事，接著就係醫肚啦。去了慢煮食扒。兩份豬鞍架，加一份雜菜，一客芝士煙肉薯條，一杯青檸薄荷特飲，一杯荔枝接骨木花特飲，埋單盛惠 HK$416。
杯接骨木花飲品，好好味。
接骨木係好 common 的西洋草藥來，甚至連「係愛呀哈利」手中支魔杖都係接骨木丫。
原來是日係元宵…啊，祝心懷多多愛，愛可抗疫呀！
12.2.20
原來是日係元宵…啊，祝心懷多多愛，愛可抗疫呀！
11.2.20
10.2.20
又去貓屎度買墨水
在鋼筆谷度被金粉墨水和鋼筆毒到上癮，呢日又和朋友聯袂去 SSP 度買墨水。
見好多谷友都買，我也忍唔住手買了支三文堂 ECO-T Mint Blue B 嘴自用。哈哈哈。好靚的 mint blue 呀。
是第一支三文堂筆。多多指教。
Diamine 兩瓶墨水都有金粉，寫出閃閃發光，手字唔夠靚都補救到，哈哈。
兩瓶就收手啦，呢期買東西唔知點解要「兩瓶，Thanks。」嘛。
苦中作樂。
Official :
Diamine - Frosted Orchid
Diamine - Golden Sands
三文堂TWSBI ECO-T
8.2.20
Aromafume
又係幫襯黃店的時候，店主係做能量物件送畀小朋友傍身，大愛。見到佢個page有香爐好正，又想試印度香〔有我愛的玫瑰味！〕，所以一邊同佢吹水再揀邊隻味有趣，結果就買了這一堆回來。收件未拆包裝袋經已香噴噴，好癲。
店主再整了幾款 incense bricks 我試。龍血都有！
呢支油，擦少少上手，足可香到一整天。返工唔敢用，免得去廁所大大小小時被同事知道廁格中放臭臭的人係我。哈哈哈。
催谷一下底輪。
見平就買，所以揀了「亞拉伯之夜」，中東風味濃。亞拉丁飛飛飛~
野花味，堅似置身在大花園裡面。
這品牌有兔仔認證咖，絕對可放心…盡情購物。
又
Official : Aromafume India
7.2.20
6.2.20
Platinum 時繪三月筆
這是2019年上鋼筆興趣小組後敗返來的筆。又係白金牌。哈哈。
型號 # MWB-3000GM
實物好靚，而且筆桿上有風神和雷神，好型。我買的舉底色係消炭色，當時無為意，原來有黑色，不過炭色都係我飛佛。
正正。
官方網頁：Platinum JP
二次元世界．四
上年發現呢套漫畫睇到好開心，不過中文譯本甩尾，幸好，無意間在網上搵到英文版兼有埋結局，所以就煲了十幾次。
只得 15 個 chapters 的故事，好暖好窩心又好笑，所以，我的「情況係」喜歡到每晚翩 loop 幾個 chapters 至去睡覺的狀態。唔呃人，全英文我都照睇睇完又睇，真係好喜歡。
故事？講一個初中受欺凌而躲在家年多的女孩，因為敵唔過孖生弟弟的要求，扮成弟弟到高中的學校「現一現身」卻變成讀書重新接觸世界的故事。
唔知有無中譯漫畫書出過。好似唔覺。得原日文版本。
或者，買英文本我都可以考慮。
5.2.20
又買墨水
又去上鋼筆店上鋼筆雞精班，同日購物有九折優惠，加上墨水色又繁又靚我又貪心，所以，臨走都要拎三瓶墨水。哈哈哈。
店主見V今次無到來上雞精班，問我。我笑說V話入到店好難忍手唔買墨所以避著唔來上啦。的確係咁。
不過，買還買，我懶得入墨，所以暫時仍都係寫緊黑，藍，灰三隻色。
雞精班之後，和朋友有聚會，三個人都用鋼筆，所以大家都帶了自己的墨水出來，兼帶幾個瓶子用來開心 share 。咁樣墨用得快點就可以理直氣壯去買新墨水啦。嘩哈哈哈。
在艱難日子，更要抓著每一個美好。
燒下鼠尾草
放年假，自閉在家，不停點火…線香、塔香、乳香、藏香、除障香、鼠尾草…
香品的存貨多過口罩囉。
不過鼠尾草剩下一綑，所以計劃要去黃店補貨。
圖中一次燒咁多葉，係因為「藍父」初四晚急症要入廠修理，阿母陪佢入廠，所以阿母回家後要加重料同佢淨化一下。由頭到腳。
你今日點了沒有？
基隆街五號
書法班AB班一同團年，一月初，大家意欲係有圓檯方便吹水，必定要係黃店方便說話，所以來了這裡。幸好有空檔。
在 whatsapp 聊過，半年來常互問『安全？』，加上我係新學生，我上的班只有三個同學，所以，其實跟席上大部份同學都係第一次見。哈哈。成件事確實係好夢幻。
一年前我怎會想到今年人生又添了一班志同道合安危互持的朋友丫。哈哈。
顧住講，無乜點拍照。
六點半傾到十一點幾才散水。很愜意的一頓。
願平安歸香港。
4.2.20
3.2.20
寫揮春之有乜寫乜
老師在 whatsApp group 度分享了一些字，人呆在家，所以初一二在家開個壇照著臨帖，寫寫寫。
練字的事，實不能怠惰。
前後寫了十幾張揮春，一張貼大門，兩張貼房門，一張貼房內。這公義，因為工整，是我目前最最最滿意的功課。
幾好。話哂人生第一次寫揮春畀自己貼嘛。
1.2.20
JAN2020．4本書
話唔買唔買新一年又買了四本書。
和同學團年，趁有空檔，去了我的書房磨下蓆。店子終於再整理返書籍，不再堆在地上，也沒有亂排亂放，心安。
在宗教類別，找到這本，買。HK$40。
是2020年第一本書。
在旺角榆林，入了三本。
《《我的《水經注》》是黃國彬寫的。
《河邊的錯誤》是余華作品。
《神啊，每天來點希臘神話負能量！》呢本在網上書店見到時已想買。既然見到，就支持書店啦咁。
重歸書籍懷抱！雖然我一直沒有捨棄過刨文字。哈哈。
訂閱：
文章 (Atom)
