東街咖啡

在太平山街那邊逛完，經過東街，見有間好 hea 的咖啡店，於是心思思入去 hea 下。

叫了件十幾元的 brownie ，加一杯焦糖拿鐵。

近日煲緊小說，好好看，搞到我一有機會就畀藉口自己坐底睇書。

在咖啡店裡，正好看了男主角劈死兩個老女人…所以話，有D書，真係唔可以一條友匿在房睇咖。會好驚驚咖。

正當我準備閃人之時，店長捧出一些烤好的餅畀食客試食，不過真係好膩〔杯咖啡太甜〕，頂住，只好婉拒一番美意。

多謝先。

捕夢網貼紙

想在電話背面再加貼紙，想起捕夢網，哈哈，水晶店子有，而且仲係銀色，正，襯到一個點，於是把它貼埋上電話度。

直接貼在機面再加三十幾元的透明膠殼，成件事平又靚仲好正。呵呵。

Azeztulite．黑賽

一杯單品咖啡的價錢，買了這粒阿賽斯特萊。扣到靈擺鏈度都好靚。

珠子在燈下係偏藍，靚到一個點！加上手機拍都咁清晰，索性用來做電話牆紙好喇。哈哈。

好養眼哩。

試手機。

拍花。

Ruby n Mica 紅黑配

在水晶店找到這件黑雲母包紅寶石在閃爍，於是帶走。唔好誤會，呢件寶貝不是今個月上個月買啦，只係部手機拍不到微距，所以一直無法把這件擺件好好的拍出來。

當然，多部手機係唔同D。

至少紋理分明啦而家。

我戀蝶也愛花

很久沒拍過版蝶喇，呢日經過九公，拍張曲紋紫灰蝶啦！

很久沒拍過花喇，呢日路過九公，拍張細葉雪茄花啦！

事緣有晚上心理學堂，導師叫大家三人成一組：一個講，一個應，一個做觀察。我講了遊嘉道理農場的開心事。做回應的同學因為未去過，都說聽得津津樂道，好想去農場玩。而做觀察的一位，因為曾去過，佢話從我的話語間感到我好享受郊遊的樂趣。哈哈。是啊，好懷念。

幾日後上另一個堂，突然聽鄰位的同學仔講前一天去嘉道理農場度玩，於是我即刻問佢多唔多花？蝴蝶多唔多。不過佢話無乜花也無乜蝶，蜜蜂卻非常多…噢。即刻打消哂去嘉道理的衝動。哈哈哈。

再待一下吧。

咁，拍住九龍公園的粒粒花及小灰蝶滿足一下啦！

磷灰石．Apatite

朋友K做寶石買賣。早前食飯，他跟我展示這粒磷灰BB，心動不已。就叫佢留起給我。這天出來，係睇新石，兼為這件留了的石仔度指圍做 setting ，是啊，做戒指。

自己戒指自己買。

哈哈，終於搞清楚我指圍數字。真係哩。意外。

多謝K賞面陪我一個下午。

透石膏．Selenite

店主愛石的程度，係愛到會把石處理到最靚靚至賣畀有心人。他有堆透石膏，磨到完全呈透明狀態，真係靚到我也愛不惜手哩。於是，我揀了這片三角形的帶走。

店主係有教 crystal healing ，所以都有即時教我點樣使用這片「cut cord 好朋友」。感謝。

透到哩~

抽卡抽出石來。

10月28日那天去了上環文娛中心的身心靈展，又遇到我導師啦。佢唔知從邊度拎了副牌來叫我抽，哈哈哈，我抽了兩次，都抽到 Zebra Jasper 。有洗牌咖，點解咁奇妙。導師有叫我留心D字，不過我話拍底先。

在展場買了什麼？哈哈，容後再分享啦。

電訊貓

去搵黐漢貼 MON貼，在等待其間梗係搔擾一下打住燈都可以睡的靚貓店長啦。好多年喇，還在就好。

佢有斜睥我啦。

不過，佢安全，就無理我。

鄰店的糖水舖以前有貓，不過這日不見。不知安好。

Moiscube Lip

Omi Corp Menturm 出左隻 Cube 狀的潤唇膏，無香料，含山茶花油同橄欖油，試下先。

Curel

今年的皮膚 keep 住唔好，so sad 囧。之前的卸妝水用哂，天氣剛好轉涼又乾，所以試下有無合用的卸妝水先。記得見過這牌子，所以買來試啦。

洗完臉，清清爽爽咁，沒有拉緊乾到嚡的感覺，好用。

Madagascar1 @ Osage

那天趁午飯時間，竄了去興業街的 Osage Gallery 看 200,000,038 之美 ：木化石。

入到展場，除了壯觀，都係壯觀。這些放在地上的木化石，全是一位女士的收藏哩！這天她剛好在 gallery，聽她說，她不想下一代的人只憑相片看這大地之美，所以每十年都把這批珍藏拎出來展覽。是啊，這個展覽的每樣藏品都可以捉摸的。哈哈，可以撫摸到一件又一件玉化，長了雲母，或是已有白晶的木化石，真係好開心。

哈哈，當中又有粒拉長呀。

閃到哩。。

Touch wood ~

當然不止這幾張相啦，再要D時間整理一下。有更精彩的石。期待。

Café Relay

在灣仔大王東街裡有條非常短的明仁里，裡面有一間咖啡店。不是慕名而來，而且剛好經過發現人又湊巧要食晏餓得咕嚕咕嚕咁嘈喇。入去後，揀了杯 long black 及一客意粉。

店子對出係大廈的白牆，在日頭下透著自然光，非常明亮。而且這條巷真係太神秘，所以若非路口豎了牌也未必留意到。非常適合靜靜的看書或寫作。

真的。

好味。

享受了一頓美好，下次再來。

天河．Amazonite

雖然自問算係藍色控，不過天河石又真係第一次擁有。這條藍BB，每顆珠像紅豆大小，細細粒，串在一起，好靚呀。

Cafe Perfect Match

去188買殼，見到對面有間甜品店，於是買完殼就衝過去食甜品。哈哈，揀了杯 Latte ，也揀了個抹茶心太軟。

甜品係師傅〔後生仔〕即叫即整，上檯時件餅的抹茶香係沁出來，好香，連片薄荷葉都發著香味，真係好醒神好正。

意外！好好味啊。

下次去試埋個朱古力心太軟，蘋果金寶，火焰雪山先。或者嗌埋朋友仔一齊去。

正。

穹蒼

好藍。

@ 灣仔太原。

小食檔貓

在人來人往的時間，發現小食檔的貓。好靚又好大隻。店主應該好喜歡佢，因為籠子上邊放有貓的玩具，抓板等等家當。哈哈哈。

貓BBB

這菜檔有貓媽，還有3隻不同色的貓BBB，一B係三色，在鹽堆裡熟睡中。二B係乳牛色，忙緊玩。三B係薑白色。而貓媽算係三色貓〔應該係，看佢頭耳尾〕，咁，經手貓係咩色呢？

貓BB的大踏步好鬼過癮，而B的睡豬樣也超級動人。希望貓貓們快高長大，安安全全啦。

莎莉文

西多，爆檸，鮮油。

17件10月．買書1本

《How to Read a Graveyard》 by Peter Standford

八號風球那晚人在尖咀樂道，見到書店櫥窗係一堆 for 哈佬喂的書，就停下來望望有什麼推介。哈哈，發光！曾經跟過團遊墳場，去旅行都有去看陵墓，墓園的我，好難不被 display 度這本書吸引啦。

當日書店無開，而我本來都無諗住咁快買，bookmarked 咋。不過早幾日上亞馬遜望，呢本書得返「一本」存貨，一本咋！計返條數〔即係運費〕，去書店買有著數，於是趁假期落尖咀買了這本書。嘿嘿，轉了書店一圈都唔覺眼，詢問店員，書店都係剩得櫥窗那本。呵呵呵。

買了書，梗係去個百年歷史的地方拍個照啦。係咪好襯呢？

唔好問我幾時睇完本書，我望住目錄D人名都唔知邊個打邊個…真係要D時間喇呢次。