Black Opal．黑澳寶
被毒，所以在店執了幾粒澳洲獨有的黑蛋白石碎，因為連皮，所以似石仔。嗯，共五粒。老闆把石長浸在水裡才顯出石頭的光芒，於是我都要物色一個靚的玻璃瓶去放這幾件蛋散…
哈哈，加埋一早放在公司 display 用那粒白蛋散，共有六粒哩。
17.8.17
16.8.17
15.8.17
老師的名信片
之前青 Sir 遊日，問大家要不要名信片，我當然有舉手啦！舉手朋友太多，都諗住機會不大。若人人有份就真係好甘！
後來知道得五十個限額，有幸收到青 Sir PM 我問地址，好開心呀！中獎一樣！急忙回他地址，多謝一番。幾日後，已收到名信片喇！郵票係鬆弛熊來咖！〔因為背面有青 Sir 的墨寶和我的地址，這裡不便公開喇〕
多謝墳總！
哈哈，即刻搵埋檯面的鬆弛熊夾住拍照再放上 FB 威威。
名信片就這樣一直奉在檯面當眼處啦。Yeah ~
Topaz．托帕石的彩虹
因為有朋友仔話到佢手的石頭，日子一久，晶石裡面的彩虹會消失！囧！於是我趁得閒都檢查下珍藏，竟然粒 topaz 度見到一撻彩虹！
好肯定之前無啦，有都拎出來曬命。嘩哈哈哈。好大撻彩虹呀。
懷疑係咪房間太熱所致，朋友仔聽到後，話要拎佢的晶石去蒸一下。哈哈，幸好谷裡有另一位朋友仔推翻的的疑惑，否則那個朋友仔拎佢D珍藏去蒸，有咩風吹草動我實過意唔去啦。
其實，有彩虹好定無彩虹好？寶石級的晶石，如出現彩虹係咪會跌價？
問下珠寶界的朋友仔先。
14.8.17
13.8.17
Dunkirk
因為見不少朋友在FB推介這電影，覺得男主角唔吸引都想看了。唔想睇的理據係男主角唔夠吸引。有人笑，邊有人打仗時係靚仔。我舉出之前 Pert Pitt 出來。嘿嘿。對方都忍唔住笑。講戲的氣氛好濃。不過他們也叮囑未看電影的人要先了解一下背景先好入場。咁，都有搵料參考一下啦。不過終究未準備好，不過那天路過戲院，見一個鐘後有一場，且剛好有位，所以就買張票在戲院等。
真係未準備好咖，如果我係軍事迷，也是古董錶迷，可能更好，至少我望著那些戰機戰艦手錶能說出其名堂。真係好想。
電影沒有我最怕的爆哂內臟甩頭甩肢畫面，都唔知應鬆一口氣定點樣喇，或者有人嫌沒有太多血漿會唔夠真實。
沒有血漿殘肢，就可專心看導演對前線士兵心態的描寫。軍隊裡沒有呼天搶地，沒有爭先恐後，沒有積怨，沒有憤慨，遇到危難，又默默求生。
當在日常生活中見過小小事都呱呱嘈，抗壓能力勁低的人時，相對電影中的軍人面對生死關劫的態度，真係…
刻下正看著一本關於越戰的書，當中軍人的情緒也是如此。所以不必訝異和質疑人類在這樣的場面下為何如此「安靜」。
未看電影的，快點睇啦。
12.8.17
黑水晶．Black Morion Quartz
黑水晶到達的日子，剛好來了一個強勢的新上司。
佈陣是必需！
黑水晶其實係不透光的茶晶啦。之前唔知係乜，見到店主IG有圖一直唔敢輕舉莽動。睇片見到個底透透地似曾相識，上網找資料終搞清楚原來黑水晶就係我堅喜歡的茶晶，而茶晶又係好強能量的石種，於是就買啦。
現在這晶柱就放在公司檯面助陣鎮住。相信在別人眼中我的檯面已是一個結界能量區。哈哈哈。
11.8.17
基礎心理學證書到手
上一次個堂有20小時，不過唔使考試，Dr. Law 話我們在職人士既然用工餘時間來上課，不如考取埋張有認受性的證書好點。於是，在他爭取下，學院辦了第一個30學時還要考試及要交功課的心理學課程。所以，我又報讀，前後上了50學時。
這個課的同時，我還報了他的另一個課，一星期要上兩晚心理學的課，共5小時。日子跟腦袋都好充實。哈哈哈。
收到證書，得到肯定，果然是一件好開心的事。
係啦係啦，又報了新的課喇。
Sugilite．舒俱徠
我呢件名叫「肥叉」的舒仔係咪好搞笑呢？Sony 手機太顯色，把暗暗位的顏色都拍出來啦。當然，戴得一段時間，就絕對改變肥叉的顏色。有人戴舒仔，有人會戴到表層油亮發光卻依然沉色，有人戴到顯紫卻無油光，真係好奇趣。唔知我的肥叉會不會顯色到手機拍出來的艷色。
話說我在店正揀緊十多件老礦 Sugilite 吊墜，件件都有精彩處，無選擇困難症的我都依然唔知點取捨。咁哩，店裡有位女士就出手教我揀喇。佢話，Sugilite 好有趣，人揀石，石揀人，所以我先揀出心儀的石出來，再逐粒試反應。她把每粒吊墜拎起，叫我左手掌向上，她把石逐一垂在我掌心度問我有咩感覺。有完全無感覺的石〔被抗拒〕，也有篤下篤下的，也有一股暖氣的隊落我掌心的石。
用靈擺的話，有唔郁唔轉，也有逆向，哈哈。真係好坦白。
最後，我帶了這個用暖氣隊我不絕掌心，兼且靈擺表示最合我的肥叉走。哈哈。
順帶一提，當日那位女士話呢粒「因果石」調整甲狀線好強，而且還叮囑我多把肥叉放在舊傷口舊惡上敷。
店裡還有另一位女客都是這樣說啊，出門果遇了不少貴人哩！
如果你想或準備買件舒俱徠畀自己，又剛好看到這一篇，希望這些少的個人分享，能令你從容地找到屬於你的石。
10.8.17
Vatican Cross
呢單事情又真係幾奇妙。上星期五晚跟老母吹水，講起甥仔話屋企有鬼，咁就問佢房無十字架掛？心中遂萌生買個十字架畀佢的念頭。記得佢幼稚園係基督教，小學了，都是基督教嗎？哦，原來去了天主教小學。
星期六日埸假期出去找個靚靚的天主教十字架畀佢啦咁。
奇妙係，當晚睡前在IG見到一間follow了好一陣的網上精品店有多款梵蒂岡十字架賣，重要係現貨啦，既係得來全不費功夫，而且也是天賜的最佳的安排。哈哈哈，即刻PM店主要一個。
幾天後，這個店主從 Vatican 購入的十字架已寄到手上喇。
感謝。真是一件 wonderful 的禮物。
9.8.17
8.8.17
Auralite 23 Red Cap
老闆又塞D好東西畀我睇，呢次係幾件紅頭極光23，似不似一啖烤好的紫心番薯？哈哈哈，太吸引喇，於是揀了最尖的一枚。當然，紫晶嘛，個心係紫色呀。
不必電筒，在光下，都睇到裡面呈現紫心番薯的紫。
7.8.17
紫晶簇．Amethyst Cluster
這個瑪瑙底的烏拉圭紫水晶，D紫真係爆到一個點。
得到這個晶簇，都係奇緣。話說這個本來我先發現，但我好朋友又覺得意，於是我割愛啦。沒有什麼 hard feeling 啦，反正我知店主總有渠道找到好的晶簇賣。不過後來店主有個我絕對相信令她雙眼發光的烏拉圭晶簇，於是轉而問佢，結果，她的確入了那個晶簇，而我就接了這個晶簇。
哈哈哈。其實不是八月的事啦，只係晶簇到手後一直未諗到放在邊度，加上要等機會指照，所以才晾到現在才曝光。
係咪好特別哩！
6.8.17
5.8.17
紫晶．Amethyst
如果我說，這是我第一條紫晶手鏈，係咪難以置信？哈哈哈，的而且確，這是我人生第一條紫晶手鏈。之前同幾個人講過，我沒有紫晶手鏈時，他們都一致地驚訝為何有這麽多水晶的我竟沒有這個「例買的 item」 。哈哈哈，或許太普通吧，所以一直無入手。應該係咁。
那天在店，講起薰衣草紫晶，老闆話佢無入貨，還叫我唔好啦，紫晶顏色都褪到淡哂，買來做乜。哎唷！ 唔講唔知呀！於是，我就揀了店中最深色的一條紫晶手鏈，紫到只在燈下或日光才睇到紫色的款。
大粒就大粒了點，不過我咁高，戴大少少的手鏈也 carry 到啦。
4.8.17
3.8.17
金珀108．Amber
這串108金珀係之前在谷度玩晶石放題時舉手舉得快得到的，當然價錢係非常便宜先舉手啦。
話說，上次到店時晶石店老闆 show 過我睇，佢話係入來自用的。不過，鏈到手時發現係用繩穿，要彈力線就需要拆掉再穿，108粒小珠。佢話懶搞，於是就咁放在一邊。
後來，就可能係呢個原因，佢放出海做放題晶石之一。因為見過實物，湊巧那晚又剛好閒著可以睇實放題實況，加上不少朋友仔大叫搶了幾天貨已破產啦，就係咁，這條 amber 就被我成功搶到。
我都有諗過穿條彈力線，哈哈，不過堅係懶的我還是放棄弄出大頭佛，都係直接戴好了。
2.8.17
1.8.17
17年7月．買書+4本
昨晚取博客來的包裹，內有四本書。想想，我竟買漏了某作者的書。哎呀，只好下次再訂。希望到下次訂書時會記得。哈哈。
《能不能請你安靜點？》 ，看書腰都知為啥而買這書吧。哈哈。
《負重》。晶石店老闆介紹，不是此書啦！而是老闆說南方朔推介的皆是值得看的好書，所以要買來看。
《意義的呼喚》。
《京都其實很可怕…毛骨悚然地名巡禮》。之前博客來在面書專頁推介已有興趣，所以買啦。
這陣子多了一群新朋友，在谷度幾乎係日日吹水分享好毒好毒的圖片，都懶了看書喲。
真要加把勁。
訂閱：
文章 (Atom)
