Italian Tomato
這杯玫瑰棉花糖特飲，好消暑，好好味。
13.7.17
12.7.17
正宗印第安人手造戒指
在珠寶展有一個賣銀飾物的展場，發見到一檔由三位來自美洲 Zuni Pueblo 的印第安人賣手造銀器。一直喜歡戴銀器的當然湊熱鬧啦！見到這個，心動，而且比起日本那些癲價羽毛銀器，這個五百有找，真係抵玩。當然，來自正統的印第安師傅做，更係難能可貴。其中一位店長跟我說，他們是第一次來香港哩。
驚喜係，師傅都來了香港，三人之中，個頭大件的伯伯就是師傅喇。這枚戒指穿到手指時有點緊，他即場用 ring stick 擴大圈數。
成交。
同時間，還有幾個日籍客人在選購心水飾物…照睇，係我唔識寶。哈哈。
一直想買羽毛狀的戒指，有些鑲上綠松石，有些沒有鍍金，左揀右試，最後我都係揀呢個。
11.7.17
《不再獨自悲傷的夜晚》．20/17
09/07/2017。辛苦跑到第20本了。
吉本芭娜娜一直係我的飛佛作家。她的作品既被括入治癒係，當然有其魔法在閱讀其間把讀者的心暖熱一下。這本也一樣。看著，又笑又感動。
人和人之間的關係如書被所寫的就好了。大概，先是自己的心不要處處挖苦不要事事不滿又計較，才得到簡單的淨和樂吧。
努力。減少怨氣，事事感恩。
10.7.17
綠碧璽．Verfrlite
贖回我的寶貝，真開心。哈哈哈。這件綠碧呀，上個月一見到就舉手話要。終於到我手喇。
這綠色，好有力量啊。
呢幾張相係趁有陽光，蹲在公司 conference room 度拍。免得D同事入來八卦。哈哈，縱使我已經擺到一檯都係水晶咖喇。
9.7.17
8.7.17
Space2
嗌了個 carbonara 。入口第一啖就後悔。意粉無味，像是清水煮熟即拌醬上檯，個醬一樣淡而無味，完全係「求其開個爐整兜麵過你食就算」的感覺。
至於個薯…我問店員要茄汁，才奉上。
那杯薑蜜，一樣清淡無味。
無法理解。
Spessartite garnet．錳鋁榴石
橙色的石唔多，我本來搵下有沒有好靚的橙方解，不過檔口無啦，店中人反而推介這隻石給我。雖然唔係寶石級，不過這粒都好透亮，好啦，買。
當然知道可以點配戴先買啦呢個…
7.7.17
瑪瑙盤．Agate Geode
哈哈，畀我在 Gem Fair 買到這個 mini size Agate Geode Pendant。這個好閃，形狀又似葫蘆，所以揀了這個。US$49。
會場係美金交易，標價都係美金，所以無論個檔口店子本身係香港還是在外國，都係標美金咁啦。
好正。
6.7.17
5.7.17
綠隕石．Moldavite
綠隕石係我去 Gem Fair 的 wish list 之一。即使知道係玻璃，不過還是想買。不負己望，買到啦，仲係以優惠價買到。哈哈哈。
這隻介指，原US$118。有半價再乘7.75。五舊水有找。 檔子最細圈得8，我戴了都係有鬆，照買啦，二來少見，二來冷縮熱脹，在場內試OK不代表出街戴佢唔箍手指。哈哈，我一直以為我平日戴的介指係10號咖。呢隻竟然8號都有鬆。
這個 6.1cts 的 Moldavite Sterling Silver Pendant 原價 US$79, 都係有半價啦。有大大粒的款，不過我用來穿在手鏈度，所以小巧款式都夠用。
好滿足啊。
4.7.17
3.7.17
《如果你我們的世界消失了》.19/17
02/07/2017。
其實，我看不到這故事美在哪裡。大概不斷看到故事中不合邏輯或疑問的地方吧。當然不是指災難前後交錯的寫法。
一個連基本社交能力都沒有女人，能畫出關係複雜的故事嗎？當她決心改頭換面，她還能繼續其畫漫畫的夢想？而且，這個角色的設定太唔合常理。
如果這是百分百死亡的病毒，吸過患者周遭空氣都一樣攬炒的話，沒有接觸過患者，能幸免於難的人會這樣平靜面對這場滅絕災難嗎？
電力和水為什麼會中斷？
為何故事來來去去都係那些人？
這本書對我來說真係悶到出菇。既搵不到所謂「寫得太美」，也看不到怎可能比其他小說好。當然，我確係被書腰介紹，說這故事獲了不少獎項而買來看。
因為相信自己一放低本書就必家唔會再拎上手捧讀，所以只好迫自己睇哂成本書。
唉。係我們身處的世界太複雜，還是作者的世界太單純？
點都好啦，下次買書前真係要三思。
Topaz．托帕石
跟自己講入到 gem fair 買想買的石頭就算，最後還是買了幾件沒有預算過要買的石。包括這粒好透的 topaz 。
這顆，原價US$60。店主計數時都有折畀我啦。
天啊。我真的癲了。
訂閱：
文章 (Atom)
