手帳。0531~0601。Toxic

都盡量避免，已早出晚歸，待到佢入房去睡才返抵，還是被無故螫傷。尖酸刻薄的口，總是先判刑責難。

傷人之舌，真係令我頭痛。

呢個六月，除了兩次無故問我搞什麼有臭味，兩次都係剛入屋洗好手就無啦啦硬食。第一次係咳住問，等二次更直接出廳看我做什麼，還故意行近廚房瞄一下我是否在點香。

晚，若早回到，又問我點解咁早返。

早，遲出門，遇佢飲茶回，就問我咁晏至出去返工。

其實人生可以好多點解（繼而精進），但唔係焦距只放在這些無營養的事情上。

其實，我都想問點解，點解可以咁污糟，紮蔥可以搞到裝置藝術咁，根放在鋅盤，蔥葉垂吊在水龍頭上的快潔布架上，躺在快潔布，鋅盤塞上……（有圖，那晚拍照分享給細佬妹睇）

點解罐頭餐肉吃了部份，剩下的連個鋁罐用保鮮袋包住就放入雪櫃。（好似還放了五日多才消失）

就因為我開聲總變成針對佢，所以我……其實我都係想留啖氣暖肚。

尤其是我明明頭痛都唔可以睡多少少，總要起床撤離。

𐑺