偷運成功！

話說有日在的士裡，阿媽發現了阿桔用緊新銀包， Anya Hindmarch 那個。

『咦，新銀包？』

「係。舊的那個霉又爛。」

『買個咁大個？好C9款。。』

「細銀包不夠裝嘛。」C9。。囧。感到一棍摳落。

『點解買藍色？』

「呢期興藍色。」

『好熟喎個牌子，係咪。。』阿媽盯住我手上銀包面的小小蝴蝶結。

「唔係。你唔會見過。呢間店全港得三間舖。」置地利園海港城。。佢三個都無去。當然，咁樣答，佢才會識趣地不再問得沒完沒了。

當然，怕係佢轉個頭，同人煲電話粥吹水提及這個。

至怕係，佢同佢班豬朋狗友呻無錢好窮。而阿桔，係坐在廳，被迫聽哂。

因為咁，買「東西」，特別是貴的東西，每每要小心運回家中，而且最好不要曝光。

金器太顯眼又戴唔到，反正阿桔想買銀器〔其實有牌子的銀飾一點都不便宜〕，於是早幾日趁出左雙糧買了條鉑金頸鏈，換掉銀鏈。因為阿桔長期都戴銀器，鉑金和銀器在普通燈光下又幾乎同色，加上吊墜仍是那枚純銀長命鎖，所以戴了幾天都沒被發現，呵呵呵。當然，買的時候有考慮過鏈子的款式不要太閃太花巧啦。

低調的款。。

嗯。。努力搵緊相似的鉑金長命鎖。。


阿花說阿桔一個人要好好為自己的未來打算。這句話，是上心的。

沒有人可依靠的日子，真的要好好保重自己。