13.7.14

閒情.睇碟

真係抹汗,那天買了 《Transformer 3DVD 回家趁無人爭電視睇高高興興打算煲一煲佢,點知塞好碟 play 緊入廚房整杯凍涼粉打算歎住睇,至發現個 remote 打柴。。是真的打柴,不是無電。而肇因係不知何時爆電池,漏濕了內部,壞死 remote ,還在主機面留下一堆已乾涸電池水。真係倒抽一口涼氣。後來在網頁留訊息問原廠有無 replacement ,維修部打來說此型號幾年前已然停產, spare 都無。真係齋 play 碟,咩 function 都無得揀。。

因為先前買了半打左右的電影未睇。。於是,有日放工,落去太子阿 coffee 的店度買機。

Blu-ray 機,令阿桔又去撲碟。。首要係有 Benedict 的電影,然後是想買來儲的〔如活地作品〕,於是,咁樣囉。。


4 則留言:

Sputnik 說...

其實呢,鴨寮街有d車仔檔專賣舊遙控架~
不過,有新機用,更好啦~

說...

係呀?有人都幫我去淘寶找過亦都有remote賣,不過此機款太舊〔超過十年,又幾年前停產〕,買回來的remote可能得啖笑。所以咪索性換新機,六百幾,睇到blu-ray,抵玩。
blu-ray出左咁多年先買人生第一台blu-ray player,不太過份吧。〔笑〕

Sputnik 說...

六百幾蚊的Blu-ray真係抵噃~
我家DVD機使用率極低,如果唔係都想換呢~

桔 說...

哈哈。。在格價網睇左先拍板哩。評分高又便宜。
阿蛋病之前都少在家,在家都有人霸住電視。所以無咩點睇碟。
而家反而固定了時間在家陪貓,阿豆放假會同阿媽出街去走走,我在家看貓,反而有時間睇碟。
真係奇。